مشكلتي مع شغالة بيتنا الجمييييلة جدا وزوجي وامه

اب

اولا : سامحووووني ما رديت على حد لأن النت عندي خربان شوي ينقطع شوي ويعلق وما رمت ادش

ثانيا: اشكر كل من ردت علي و دعت لي و ساندتني فيكم ولو بكلمة واقولكم جزاكم الله الف خير صدق حسستوني اني مب لوحدي وان عندي من اعتمد عليه واشاوره وقت الضيق

ثالثا احب اقول حق خواتي اللي أشاروا علي اني اسفرها ... انا بغيت اسفرها بس مشكلتي مثل ما قلت لكم ما عندي الحيلة والعذر عشان اقنع عمتي .. انتوا تعرفون انها مب شغالتي الخاصة هي شغالة البيت كله وعلى كفالة عمي ابو زوجي وعمتي مستانسة عليها وايد ولما قلتلها عن سالفة زوجي وفتنه ما فتنه قالتلي
لا تخلين الشك يدخل قلبج ولا تغارين السالفة ما تسوى ومب متقبله فكرة ان ممكن ابنها او شغالتها ينظرون لبعض نظرة غير بريئة!!

رابعا خواتي

fatafeat** انا قريت قصة بوكهانتس وشو مخوفني من شغالتنا الا هاي القصة !!

vanilla cake ... سالفة الدمامل والمرض المعدي ما اقدر عليها لأن عمتي بكل سهولة بتكشفها بمجرد انها تطلب من الشغالة انها تراويها جسمها

الشـــامخـــه .. تعبت وانا اطلب بيت بروحي ولكن لا حياة لمن تنادي :44:

بسومة الامورة ....المشكلة ان عمتي واثقة بزوجها وبصراحة انا معها (( ابو زوجي انسان جدا عاقل ومتزن وما ظنتي أي وحدة في العالم بتلف راسه لا تستغربين بس شخصيته ماشاء الله فذة ونادرة – الله يحفظه-))

من اجل احبائي... المشكلة ان زوجي من النوع العصبي وبسرعة يزعل واذا زعل ما يحب يطلبني شي ولا يرضى يقبل من ايدي شي فما بالج بالمعاشرة؟!! وهذا اللي معذبني ومخوفني (( دوبه اذا زعل يدخل المطبخ ويطلع له اكل بنفسه)) وتكون الشغالة موجودة في بعض الأوقات بس انا حتى في هاذي اللحظات ادخل المطبخ اوني اسوي شي احاول اني ما اخليه يدخل بروحه وهي موجودة

][§][-~المتغـلية ~-][§][ و الشروق العذب ... على سالفة الهدية هو جاب حق كل اهل البيت هدية ومن باب الشفقة جابلها وانا سكتت لأن من قبل لما سافرنا انا وهو وخواته يبنا حق اهل البيت كلهم هدية ونسينا الشغالة(( مب الجميلة وحدة من قبل كانت عنا وسافرت)) وفي المطار تذكرنا عقب اخته قالت لازم نييب لها تشوف الكل معاه وهي لا حرررام وخذتلها وهو حضر وسمع هذا كله .. بعدين هم اهل بيته طبيعتهم كلهم بدون استثتاء يعاملون الشغالة كأنها وحدة منهم يسولفون معاها ويضحكون - يعني مافي حواجز- حتى اذا بيسيرون يتمشون ما يخلونها وحدها في البيت يشلونها وياهم الخ.........

اما على سالفة تقديم الأكل فتخسي هي تقدمه .. من عرست وانا اييب لزوجي الأكل بس لما يكون زعلان حد من خواته او امه او هو يجيب لنفسه .

والله ما الومك على غيرتك الله يكفيكم شرها:44:

خليكي مع زوجك وحدة تانية يعني بدون خجل فايرة مثلي عليه انك مبسوطة البسي اتشيكي اغريه طفشيه من كتر ماتتقربي وتتدلعي حطي في بالك انها مو زايدة عنك بشي بالعكس انت احسن بمية مرة الرجال تسيطري عليه في هداك الشي لاتقوليله انا خايفة منها بس جيبيله حكاوي مفرقة عن الشغالات كل فترة كرهييه فيهم المهم خليكي فايرة معاه والله الرجال ينسى كل شي مايهمه الا بسطته والحبشيات معروفات بالحرارة عشان كدا بيطالع فيها