ياليت ماسمعت كلامهم

ذكرتيني ببنتي انا كنت نفسك اخاف ااكلها وصارت كذا كلا مريضه او ماتشرب الا المرضاعه او وضعيفه فنصحوني اني احطها مع اعيال اختي او حمواتب=ي او تاكل معاهم والحمد الله اشوي اشوي بدت اتشوف اليهال وتقول ابي كذا وكنت اطلب وجبات لها او حق الاطفال بس عشان اشوفها تاكل تميت تقريبا اشهور او يوميا لين صارت تاكل مثل اليهال ولا قبل كنت اصيح عشانها اشوف اليهال ياكلون وهي ماتبي تاكل بس اطالعهم

الله يفرج همك يارب

حبيبتي عادي ولا تاكلي هم وكلي امرك لله وانا اقولك كذا وعندي بنت عمرها سنتين وعليها ووزنها 9 كيلو والى الحين تاكل مطحون ولا تقبل اي شي يكون جامد داخل فمها والا ترجع الاول والتالي بس حاولي ولا تيأسين انا نظامي مع عيالي
على الريق ملعقة عسل طبيعي
و3 وجبات رئيسيه مع 3 وجبات خفيفه
وقبل النوم اساسي الزبادي لانه مفيد ويعطي مناعه
حاولي لا تيأسين وترا زي ما قالو البنات حليب بديا شور ممتاز بس ترا ما يغني عن الحليب العادي يعني ممكن تعطينه مره بالنهار كمكمل لانه مو حليب هومكمل غذائي
وعلى فكره لما تأكلينه لهيه يعني اما تكونين قدام التلفزيون ويكون وقت فلم كرتون تحسينه يحبه
او تجيبي مسجل وتحطي على اناشيد ممكن يخش معها جو او تعطينه لعبه تحتاج تركيز واثناء ماهو لاهي فيها عطيه الاكل صدقيني ترها طرق نافعه وجربيها وانا احس لو ما بنتي مريضه كان هي اسمن من كذا لان الدكاتره يقولون كل الاكل اللي تاكله يستهلك في التنفس لان صدرها تعبان (دعواتك لها بشفاء)
ولا تنسين تطلبي من دكتور اطفال يعطيك فيتامينات خاصه بالاطفال وفي نفس الوقت فاتحه للشهيه
واي اسأله انا حاضره واسمحي لي طولت عليك بس اتمنى اكون فدتك

حبيبتي عليك بالحلبة فوايدها لاتحصى تقوي العظام وتزيد الوزن وتفتح الشهية
يكفي اني اخبرك بواحدة من قريباتي رزقها **** في بنت وقالها الطبيب من انولدت البنت عندها ثقب في الشريان وطلعت المراة من المستشفى وصارت كل يوم تعطي بنتها رضعتين من الحلبة مرة بالليل ومرة بنهار لمدة شهر وبعد الشهر راحت لطبيب ولما كشفو ا على البنية ذهل الطبيب من انتبجة وقال بنتك سليمة تبارك **** وعمرها الحين 11 سنة
واذا ولدك ماياخذ الرضاعة عادي حطيها بكاس وكل ثلاث دقائق الى خمس عطية رشفة لين تخلص الكمية
وقدامة العافية ان شا ****

والله نفس قصتي مع ولدي بس عارفة ايش سويت غصبته على الرضاعة صحيح كان رافضها بس في نفس الوقت حرمته من صدري يعني كل ما جاع اعطيه الرضاعة وكان يرميها يبغى صدري واذا اعطيتها صدري ابله بشوية موية وارشه ملح فكان يرفضه وكرررت هذا الشي كل ما بكي بس هذي الطريقة اتعذب فيها كثير لانها بصراحة قاسية وكنت انا بنفسي ابكي معاه بس هذا كله عشانه واتحملت لين ما مسك الرضاعة في اسبوع واحد تحسنت حالته والكل لاحظ
...وكمان الدكتور كتب له على فيتامينات وفاتح للشهيه والحمد لله الحين ما شاء الله