هلا حبيباتي شخباركم
مصراويه مبروك على الوزن الجديد وعقبالنه يا رب
والله يسهل لج ويعطيج الي في بالج
واخر اخباري << موجز الاخبار يعني ههههههههههههههه
صايره مزاجيه حدي وساعات اكتئب والحاله صعبه :06:
يمكن لان حالي مو عاجبني تصدقون اول اسبوع سوائل عدى سهل لاني انه ما اقدر اكل اصلا وكله شبعانه
وثاني اسبوع اكل مهروس بالخلاط وهني العذاب اول الايام عدت سهله بعد لاني اكل كميه بسيطه واشبع
بس بعد جم يوم صرت احس روحي ما اشبع بسرعه والحين تقريبا اكل وايد
يعني كوب اكل على الوجبه وبعد في مجال اكل بس احاول امسك روحي وساعات اخبص تقريبا لو باكل اقدر
اكل مثل قبل بس اتم شبعانه لوقت طويل هاي الفرق :eek:
والله الي مخوفني ان هالشهرين هم الي بنزل فيهم وااايد وبعدين بنزل على 2 او 3 كيلو بشهر واخاف خربت الدنيا
واذا بتديت اكل عادي اخاف ارجع نفس قبل وكاني ما سويت شي
ابي اضيق الحزام احس هاي احسن حل بس موعدي بعد اسبوعين تقريبا
الي مسوين حزام بسالكم يعني لو رحت للدكتور هالايام يضيق لي الحزام او لازم يمر شهر على العمليه؟؟
وانه اخاف ما انزل ومستعجله شوي لان زواج اختي بعد شهر وشوي تقريبا وخاطري انزل شوي
وبسالكم بعد شي مهم انتوا تحسون بالخزان؟؟؟
انه اول اسبوعين ما كنت احس فيه بس من جم يوم كنت ارتب البيت وحسيت الخزان تحرك من مكانه وطلعت روحي من الالم وتميت يومين احسه قاعد بين صدري ومعذبني بعدين نزل وصادني بعد جذي مره ثانيه من يومين :06:
هالشي عادي او لا؟؟ والي تعرف يا ريت ترد علي
ادري تكلمت وايد بس شكله المزاج شوي تعدل :22:
الله يوفق الكل ويسهل اموركم
[رابطة] أصحاب العمليات الجراحية للتنحيف
متابعة النقاش، صفحة 757