أنا عن تجربتي درست بأمريكا سنتين خامس و سادس ابتدائي ( وطبعا من أول شهر بديت أرطن أنا و اختي بحكم الجو المحيط و الاستاذات) ..لكن لما رجعنا السعودية كان ممكن أنسى اللغه لأن الوالد كان مانع التلفزيون من الأساس و الأفلام و ماكان فيه شي اسمه نت .. لكن أنا و اختي كنا مشترين روايات من أمريكا تجنن و مستواها مناسب لأعمارنا و ماكان فيها مقاطع قليلة أدب ..ولما جينا السعودية لقيناها في مكتبة جرير..الصراحة هذا أكثر شي ساعد أنه لغتي تتحسن و تتطور تصدقين استفدت من الروايات أكثر من الي استفدته في أمريكا..مو بس اللغه و المفردات..إلا أسماء الأماكن و الولايات و المحلات و كم كبيييييييييييييييييييييييير عن الثقافه الأمريكية و العادات..
(( طبعا هالشي فادني اني صار عندي وعي دون أن أصل لدرجة التأثر و التشبه)) ..يعني انا الحين ما أنبهر بالحضارة الأمريكية بصورة كلية لأني أعرف دواخلهم و أسرارهم.. ولا يعجبني فيهم إلا مجال التطور ))..
المهم..>>>> أدري طولت عليكم لكن إلي حابة أعطيها اسم السلسلة القصصية :
Baby Sitters Club
للكاتبة
Ann M. Martin
الظاهر تلقونها في جرير ابدوا فيها كبداية راح تحسون انها سهلة و مشوقه و بعدين إذا تبغون ترفعين المستوى شوي عندك سلسلة ثانية اسمها:
Sweet Valley Twins
الكاتبة : Francine Pascal
ولها روايات غيرها كثيرة و ميزتها انها متحفظة شوي..
طبعا انا و اختي ولله الحمد عدينا هالمرحلة بكثير و صرنا نقرا الروايات أم 300 و 400 صفحة بسهولة و كأنها عربي و نتلذذ بالأحداث و ساعات نقراها مرتين .. والي حابة أعطيها أسماء روايات حلوة أنا في الخدمة عندي كراتين..
وان شاء الله أكون أفدتكم أخواتي .. وشكرا لك أخت أم رغد300 على مشاركتنا لتعم الفائدة..
ملاحظة: برأيي الشخصي ان الـ chat مالها فائدة تذكر لأنهم يتكلمون بلغه غبية و مكسرة و كثيرة الاختصارات.. وأغلب المشتركين يكونون اسيويين أو أوربيون مبتدئين.. لكن بإمكانك التسجيل بمنتدى أجنبي يكون أفضل لكن مت وانا أدور منتدى أمريكي زي الناس و مافيه جنس و قلة أدب..مالقيت...>>>> If you find one, please share it
