شاركي في النقاش

سجلي الدخول لإضافة تعليق.

التعليقات

37
  1. @abn_alshms

    شوفي حبيبتي..

    أنا عن تجربتي درست بأمريكا سنتين خامس و سادس ابتدائي ( وطبعا من أول شهر بديت أرطن أنا و اختي بحكم الجو المحيط و الاستاذات) ..لكن لما رجعنا السعودية كان ممكن أنسى اللغه لأن الوالد كان مانع التلفزيون من الأساس و الأفلام و ماكان فيه شي اسمه نت .. لكن أنا و اختي كنا مشترين روايات من أمريكا تجنن و مستواها مناسب لأعمارنا و ماكان فيها مقاطع قليلة أدب ..ولما جينا السعودية لقيناها في مكتبة جرير..الصراحة هذا أكثر شي ساعد أنه لغتي تتحسن و تتطور تصدقين استفدت من الروايات أكثر من الي استفدته في أمريكا..مو بس اللغه و المفردات..إلا أسماء الأماكن و الولايات و المحلات و كم كبيييييييييييييييييييييييير عن الثقافه الأمريكية و العادات..

    (( طبعا هالشي فادني اني صار عندي وعي دون أن أصل لدرجة التأثر و التشبه)) ..يعني انا الحين ما أنبهر بالحضارة الأمريكية بصورة كلية لأني أعرف دواخلهم و أسرارهم.. ولا يعجبني فيهم إلا مجال التطور ))..


    المهم..>>>> أدري طولت عليكم لكن إلي حابة أعطيها اسم السلسلة القصصية :
    Baby Sitters Club
    للكاتبة
    Ann M. Martin

    الظاهر تلقونها في جرير ابدوا فيها كبداية راح تحسون انها سهلة و مشوقه و بعدين إذا تبغون ترفعين المستوى شوي عندك سلسلة ثانية اسمها:
    Sweet Valley Twins
    الكاتبة : Francine Pascal
    ولها روايات غيرها كثيرة و ميزتها انها متحفظة شوي..


    طبعا انا و اختي ولله الحمد عدينا هالمرحلة بكثير و صرنا نقرا الروايات أم 300 و 400 صفحة بسهولة و كأنها عربي و نتلذذ بالأحداث و ساعات نقراها مرتين .. والي حابة أعطيها أسماء روايات حلوة أنا في الخدمة عندي كراتين..
    وان شاء الله أكون أفدتكم أخواتي .. وشكرا لك أخت أم رغد300 على مشاركتنا لتعم الفائدة..


    ملاحظة: برأيي الشخصي ان الـ chat مالها فائدة تذكر لأنهم يتكلمون بلغه غبية و مكسرة و كثيرة الاختصارات.. وأغلب المشتركين يكونون اسيويين أو أوربيون مبتدئين.. لكن بإمكانك التسجيل بمنتدى أجنبي يكون أفضل لكن مت وانا أدور منتدى أمريكي زي الناس و مافيه جنس و قلة أدب..مالقيت...>>>> If you find one, please share it











  2. @cute_lady_2



    نبين الجد اللي ماعنده حب اطلاع دائم وكل شي يقراه يترجمه ويسافر كثير ويشوف افلام لو تعلم راح ينسى
    في حالات شاذة مثل اختي ماسبق سافرت وماشافت اجانب ولغتها اكثر من رائعه ماشاء الله والان موجهة انقليزي ومعها دكتوراه
    بس 24 ساعه مواقع اجنبيه في النت و كانت دايم تنصحني وانا صغيرة اقرا واسمع اشرطة بس انا مو مثلها جادة ماشاء الله

    صح درست قبل 15 سنه بس ماقدرت امارس الا مع الخدم مصطلحات محدودة وانا مو راعية قرائه او افلام فنسيت كثير

    اتذكر اول مادخل النت قبل سنوات هالحكي طحت في شات الياهو مع الاجانب لكن كانت مسخره
    وماستفدت كثير لان مجال الحديث كان تافه ومحدود وماصرت ادخل صارت علاقات محدوده مع المحترمين
    منهم في الايميل وانقطعنا ماستفدت من الشات غير السرعه في الكتابه ماشاء الله

    ففترة طويله عن الممارسه مع اجانب وقبل 3سنوات جبت مدرسه خاصه بكالريوس انقليزي جايبتها
    خصيصا للغه مش خادمه طبعا لبناتي مو لي وماشاء الله لغتها خطيرة والآكسنت مو مثل الفلبينيات
    وهي شخصيتها ماتقولين فلبينيه راااقية ووينها عند نفسها حست نفسها
    جايه بالغلط وجننتنا بترجع بس بعد محاولات جلست الحمدلله وحبتنا وعدت السنتين ماشاء الله
    وهي تفتح النفس تشوفين معها فلم او اي حدث يخليك تسولفين معها بس مالقيت نفسي
    اجلس معها ابدا والان بتروح تشوفيني توني انتبه :(




    اتذكر قبل سنتين شفت قريباتي يحكون عن شات الفيس بوك رحت
    دخلت الفيس بوك مدررعمه:icon28: قالولي راح تستفيدين كثير وانه اشهر موقع
    عالمي واجيك اسجل واضيف اجانب

    لكني ماعاد لي في الشات لقيت نفسي مليت بسرعه فـ خليتها صارت مسجات
    كل وين ووين اسالهم عن شي او استفسر او ادخل قروباتهم اقرا



    سر مضحك :22: عن تسجيلي في الفيس بوك
    طبعا كل شي واضح بالانقليزي في البروفايل بس انا جد كنت مفهيه

    ( فـ لاتغلطين غلطتي احسبها صفحه شخصيه والعب في البروفايل حقي وكان فيه
    حركات تضاف للصور كانها فلاش وانزل صور بناتي واسوي حركات فيهم واتاريني
    ارسلها للعالم بالخطا من جد كنت نكته )

    بس الحلو فيه قروبات يمكن تفيدك لو ان الموقع تعرفين العرب حولوه عن هدفه الاساسي
    وخلوه موقع شبهه
    واغلبه مراهقين وناس ترز عمرها وتستعرض بس ماعليك منهم كل موقع فيه الزين والشين

    انتي ادخلي القروبات اللي بالانقلش وبإذن الله بتفيدك

    في البالتوك يقولون فيه رومات خاصه فيها دروس وناس تتحاور بس حقيقه ماعرفها هذا عن مواقع الشاتنق

    اذا تبين رائيي انا عندي افضل تتابعين مع موقع ينزل محادثات مكتوبه ومعها الصوت
    او تاخذين لك كتب مع سيدياتها وكل يوم تخصصين ساعه قرائه وسماع وتترجمين الكلمات اللي ماتعرفين

    وهذي افضل طريقه السماع السماع اهم شي الافلام حلوه اذا تحبين الافلام

    اشوف طريقة حفظ الاناشيد جدا رائعه طبقتها مع بناتي انزلهم الانشودة في
    الاي بود حقاتهم واخليهم يكتبون كلماتها
    مجزئه حسب طول الانشودة ويحفظون الكلمات الجديدة عليهم


    اهم شي اذا عندك طموح راح تحققينه باذن الله
    في مواضيع رائعه للبنات هنا ركزي انك دايم تدخلين هالقسم وتقرين وتستفيدين منهم


    وش بعد اممممم ياكثري سوالفي:p
  3. حبيبتي احب اضيف ع كلام البنات اللي ماقصروا ما شاء الله

    النقطة المهمة في تعلم اللغة الانجليزية خاصة للمبتدئين اللي الكثير يجهلها...

    هي حفظ جمل كاملة وليس كلمات مفردة

    لانك بالجمل الكاملة راح تتعلمين وتتحدثين اكثر من لو حفظتي كلمات مفردة لانها ما راح تفيدك وانتي ما عندك خلفية عن القرامر ولا كيفية ترتيب الجمل

    لو افترضنا انك حفظتي كلمات وبعدين هل راح تتكلمين مع اي شخص .. الجواب طبعا لا وراح ترتبكين وما راح تتعلمين

    اما لو حفظتي جمل كاملة مع مراعاة ترجمة الكلمات الجديدة فقط يعني لا تترجمين كل الجملة عشان تقدرين تتعلمين بسرعة وبسهولة وبكذا بتحبين اللغة

    فيه موقع مره حلو انا استفدت منه كثير واحب افيدك

    www.english4arab.net

    اتمنى انك تتطلعين عليه وتسجلين فيه لانهم بيفيدونك بقواميس ونسخ من برامج انجليزية مره مهمة

    وفيه نقطة مره حلوة لو سويتيها راح تتعودين ع قراءة الانجليزي بسهولة وانا سويتها اقلبي لغة جوالك ع اللغة الانجليزية بالبداية بيصير صعب التأقلم لكن بتستفيدين كثير


    دعواتك

تابعي تجارب أخرى من هذا القسم.