شلوووونكم يا بنات الاطباق الساخنه اليوم جبت لكم طبق مهب اطباق ساخنه وبس
الا ما تقدرين اتحطين يدج منال الحراره يعني الطبق المناسب في القسم المناسب واتمني ينال التميييز لاني مشاهده الضو واطبخ ادري ما تقصرون
الممهم امس السبت شلينا شلايلنا ورحنا البر والحمد لله رحله طيبه
او السموحه مو الميلس اهنيه
ندخل في الموضضوع
قلنا نبغي انتعشا عاد ما فيه فرن ولا غاز ولا شي قمنا وجمعنا الحطب وجبت الجدر ورزيته وشبيت الضو
لقينا دجاجتين لحقناهم وصدناهم وذبحناهم وبديت الطبق
هذا الجدر وتحته الحطب سمر ريحته زينه

حطيت الزيت وحمست البصل فيه ( 4 بصلات) وحطيت فيه مسمار وهيل ودارسين وفلفل اسود ( كله بهارات صحيه)
الدجاج طبعا انا مغسله من قبل في البيت وملحته ومبزرته بس حتى يعطيني نكه لدجاج ما يتم بزفرته من البيت لين البر

قلبت الدجاج حتى بدا يتقلي حطيت بهاراتي من ( بزار - كركم - كمون - بزار نوع ثاني - بس ما كثرت هالمره )
وتميت اقلب وانا احمس عندي غرشة ماي صحي ( ايه سويته بماي صحي) ارش عليه بين فتره وفتره حتى مايلصق او يحترق الدجاج معاي ( افكار )


المهم الحين حطيت الطماط ( 4 حبات مقطعه ارباع )
بنات يتبع يا قلبببببببببببببي
يتبع






