اخوات زوجي و ستار اكاديمي ... لا تقولون وش دخلك ؟؟ لان المشكلة مع زوجي وبيتي

اخواتي


جناح حلم



غدو


أسال الله ان يفرح قلوبكم ردودكم حسستني باخوتكم والله اني ارتحت الحين وزدت ثقة بنفسي وراح انفذ نصايحكم

حره على كف صقار


تسلمين حبيبتي بس مآقدر اتحكم بزوجي كل شوي اقومه الغرفة بيقلون هذي مشيتك على كيفها


وكمان مآقدر اسكن ببيت لحالي لان زوجي وامه وابوه بيزعلون مرررررررررة


راح احاول انصح مثل ماقلتي اسأل الله ان يسعدك ويوفقك

أختي يقول المثل ياغريب خلك أديب يظل هذا المكان اللي تسكنينه جزء من بيتهم طالما هم اللي ماثثينه ..ومتفضلين عليك بالأقامه فيه ...

حتى لو كان الموضوع حرام فهو بيتهم ...وتلفزيونهم ..أنتِ مايلحقك الأثم لهم عليك حق النصيحة فقط ..حتى تبرأ ذمتك امام الله عزوجل ..

وخلي نيتك صافيه ..نيتك تنصيحهم لله فقط ..مولأجل ان زوجك يشوف أو مايشوف ..لأن زوجك عايش لوحده بغربة ولو يبغى يشوف مافي شيء يمنعه ..


والا اصبر على الظلم واتابع برامجهم التافهة انا وزوجي وولدي (( اللي خايفة جدا على تربيته ))
لفتت انتباهي هذي العباره ..

ياغلاتي ماهو ظلم لك أنهم يتفرجون ..أن كان فيه ظلم فهو لأنفسهم فقط ..كل نفس بما كسبت رهينة ..

وليش تتابعين معاهم ..؟؟؟ أنتِ مومقتنعه أنه حرام ..يبقى خلاص لاتجلسين معاهم على هذا البرنامج ..

البرامج أكثر من ستار اكاديمي ..ماوقفت عليه ..أذا حطوا عليه قومي شوفي أشغالك ..وولدك وبيتك ..

اشغلي زوجك عن مشاهدته ..ناديه لغرفتك أو أخرجي معاه ..


الحلول كثيره ياقلبو لكن لاتخسرين زوجك ..ودينك ..وأهل زوجك ..وخليك وسط ..ولاترضين احد على حساب رضى ربك ..

من طلب رضا الناس بسخط الله سخط الله عليه ..وأسخط الناس عليه


صدقت الاخت اللي قالت ها الكلام

الله يفرجها عليك