مازالت الهموم تحاصرني ومالي بعد الله سواكم يا بنات حواء ...؟؟؟

الله يفرج همك..

عليك بسهام الليل التي لاتخطيء...

شوفي يا عزيزتي انتي طلبتي رأينا والنت فيه الف مليون بنت وكل وحده لها تفكير مختلف يعني لازم أجي وأقولك يافلانه

يالله بسرعه قومي وافرشي سجادتك وادعي على البنت هالدعاء

يارب شل ايدنها واكشف سترها وافضحها وخرب بيتها وانتقم منها وشل اركانها

واقولك بعد اسرعي روحي ودي صورها لأهلها وامها واخواتها وهدديها وانشري صورها

وابتليها وسوي كل الي يدك تقدر عليه انا انسانه تفكيري معجبني معاملتي مع ربي مو مع خلقه

وأتمنى وأدعي في صلاة وسجود ان ربي يرد ضــــــــــــــــال المسلمين ويهدي كل شبابهم وشاباتهم

ويرد العاصين له ردا جميلاا ويهدي كل مسلم ادعي بكل صلاة ان ربي يكفيني شر من طالني اذاه

ويحول بيني وبينهم يعني ما يجيني اذاهم بس ما ادعي على أحد غير اليهود والكفار فقط لاغير

أما انسان ضال عاصي منحرف ادعي له بالهدايه والصلاح هذي وجهة نظري أعجبتك الحمد لله

ما اعجبتك انتي حره لا تاخذين فيها وسوي الي تحسين انه يريحك ويرجع لك زوجك وبيتك

الله يوفقك

طنشي زوجك واقلبي عليه ووضحيله انك مو ميته عليه ولا تفكري بالموضوع زوجك وهذا طبعه سوي لك اهتمامات واهتمي بشكلك وكوني صداقات انا علرفه انو مو سهل بس خلاص الرجال بايعها ومو حاسبلك حساب لا تحسبين له حساب

مساء الخير عزيزتي ..
والله وضعك آلمني كثييييييييييرا ..
ما أتوقع في شي اصعب وامر من الخيانه ..
خصوصا اذا معاك اطفال يجبرونك على الصبر على العذاب اللي ماينطاق ..


شوفيى غاليتي .. رأي انك من ناحية البنت ارسليلها رسالة جوال معبره فحواها انك عندك صورتها وفي مقدورك تنشرينها الا انك تعتبرينها مثل بنتك وخايفه عليها وبتعطينها فرصه >> الله يعز بنتك عنها <<
وابدأيها بالسلام وقوليلها تخيلي نفسك مكاني ومعاك اطفال وزوجك وليفك يخونك ...
واكتبي دعوات لها ان الله يهديها ويصلحها ويرزقها بالزوج الصالح والمسلمات جميعا ..
حاولي يكون اسلوبك هادئ وتذكيري بدون ماتحس منك اي كره اوعناد او ضعف..
ترى الرسائل احس انها طريقة لحل اغلب الخلافات لانها مهي مباشره يعني لسانك مايزل بشي غير اللي فكرتي فيه قبل تكتبينه ..

ومن ناحية زوجك بعد ماترسلين للبنت حاولي انك تقوين نفسك بمعنى انتي تواجهين مشكله تتطلب منك القوه لحلها وانتي قويه وتقدرين عليها باذن الله استعيني بالله ولاتعجزي قال الله تعالى في حديث ((من استعان بحولي وقوتي النت له الحديد))
ثانيا روحي اضبغي شعرك وغيري من تسريحته والبسي لبس جديد مختلف عن ستايلك القديم ,,ورتبي بيتك وحضري عشا يكون مكلف نوعا ما ويحبه وخليها مفاجئه وفوقت يكون زوجك دائما يرجع البيت عشان اذا كلمتيه مسبقا يمكن يتهرب ويقول بلاش اوجع راسي فيها >> فهمتي ؟؟
واستقبليه باحترام جدا : هلا حياك الله في دارك , وحبي راسي ويده وخليه يدخل يتشطف ويغير واذا خلص قهويه وعامليه كانه ضيف وخليه يتعشى بالعافيه واذا خلص اجلسي معاه جلسة هدوء وحاولي تركزين عيونك بعيونه واتفاهمي معاه باسلوب وحااااااولي انك تتجنبين الانفعال وقوليله انا احبك وانا واولادك بحاجتك بحاجة حبك وحنانك واخلاصك وتوجيهك انت قدوتنا ومثلنا الاعلى ..
وقولي لاتخرب بيتك وتضيع نفسك وتضيعني وتضيع اولادك عشان وحده انت ماتدري عنها وماتدري تكلم كم واحد من وراك وتستغلك عشان تاخذ منك فلوس ..
يعني حاولي تتفاهمين باسلوب راااااااقي يخليه يستحي منك ..

ولاتنسي قيام الليل والدعاء له وللمسلمين بالهدايه والصلاح ..

وياليت تطمنينا اذا صا شي معاك ..
ودعواتي لك بالفرج عاجلا غير آجل ..
واتمنى يعجبك رأي ..
دعواتك لي بالذريه الصالحه ..

الله يفرج همك يا رب
دعوة المظلوم والله ليس بينها وبين الله حجاب
ادعي بجوف الليل انو الله يصرفها عن زوجك نهائيا هي وغيرها
الله يسخرلك زوجك ويرده لك ردا جميلا
(أمن يجيب المضطر اذا دعاه ويكشف السوء)
وقولي اللهم اني تبرأت من حولي وقوتي ولذت الى حولك وقوتك يا ذا العرش المكين
ولا تنسي دعاء ذا النون واعلمي ان القلوب بين اصبعي الرحمن يقلبها كيف يشاء ولا يعجزه شئ في الارض ولا في السماء
وكوني على ثقة انك اذا طلبتي من ربك ما بينساكي
انت عملتي اللي عليكي والباقي على رب العالمين
ولا تنسي تبشرينا بالفرج عن قريب ان شاء الله