انا لوجهي عملت كريم فيه كل الفوائد كريم الكولاجين الي من سينت ايفيز مع كبسولتين فيتامين سي عشان نستفيد من فيتامين سي الي هو حمض السالسيليك وشويه من زيت جنين القمح عشان فيتامين e وشويه من كريم ريكسول الفا هايدروكسي وشويه من كريم بين التايلندي عشان يدي شوية لون وكمان يطلع زي الاساس حلو مره دا الكريم فيه كل الفوائد للبشرة الوش
وبالنسبه لجسمي اخلط ملعقتين من الشبه اذوبها في شوية موية ورد على النار عشان تدوب وماتعمل حبيبات زي الملح وبعدين اخلط معاهم ليمونتين عصيرها و3 ملاعق زيت زيتون وادي النحل مع 3 ملاعق زيت ميرميه وادي النحل مع شوية خل تفاح وعشان اتقله ويسير كريم للجسم احط معاه علبه كامله جليسوليد الاحمر العلبه الصغيره واخلطهم كلهم في علبه زجاجيه وارجهم واستخدمهم للجسم كل يوم قبل ما انام وللركب وكل الجسم حتى المنطقه الحساسه ولمن اصحى الصبح استحم بصابونة كركم واحط كريم مرطب للجسم فيه عامل حمايه اي كريم مرطب
وبدأت في حبوب اليسيثين وحبوب القلوكوزامين وفيتامينات مكمله للجسم وحبوب خميره وكمان كبسولات زهرة الربيع وكبسولات زيت بذرة الكتان وحولت اكلي كله صحي واكل كل 3 ساعات فواكه وخضار وحليب منزوع الدسم وزبادي منزوع الدسم مافي بيبسي ولا فاست فوودولا مقليات ورياضه يوميا والحمد الله مافي سهر والحمد الله وماشاء الله تبارك الله جسمي بدأ يشد ويفتح ويورد والسيليوليت بدأت تخف وكذلك الخطوط البيضاء
همتكم يابنات وسووا زي كدا والله حتحسوا بتحسن من جوا ومن برا ونفسيتك تسير زي الفل ووشك يسير فيه نضاره وخدود ماتحتاج بلشر وبعدين نظام ابدا مايكلف ولايتعب
ودعواتكم انه ربي يديني الي في بالي
الدليل التطبيقي لكتاب محاربة السيلولايت (تجمع المتابعات)/قديم
متابعة النقاش، صفحة 38