حبيبة قلبي
الف سلامة عليكي من الالتهابات
طبعا دي حاجة ياما عانينا منها و ما زلنا بنعاني
بصي اولا 000حكاية المية الدافية دي من الحاجات اللي زي السحر و بتساعد جدا جدا جدا في موضوع الالتهابات
ثانيا 000 المريمية تغليها في البراد او تنقعيها و تحطيها في ماء التشطيف و تستعمليها او لو تعرفي تقعدي في ميتها شوية
ثالثا000 اوعي تستعملي المناديل الورقية 000 و دي حاجة ممكن تكوني مش عارفاها و هي ان المناديل دي بيتعملها ( Recylcing ) و بتبقى مضرة جدا في المناطق دي و المعلومة دي عرفتها من جوزي بحكم انه كيميائي و طبعا بيعرف خقايا و بلاوي احنا صعب نعرفها 000افضل حاجة هي الفوط القطن بتاعة جدتي و جدتك و زي ما رمال قالتلك لازم تتغلي كويس و تكويها كمان و انا لي اضافة صغيرة انك و لا حرج مش تمسحي لا تنشفي بطريقة الضغط لسببين الاول انك مش تنقلي البيكتيريا من مكان للتاني و السبب التاني انك مش تزيدي الالتهاب نتيجة الاحتكاك
رابعا 000 و برضو دي معلومة عرفتها من جوزي000اوعي تستعملي اي كريم عادي مضاد للالتهاب لان معظم الكريمات دي بتتفاعل مع بيكتيريا المناطق الحساسة و بتزود الالتهاب
و طبعا مش هفكرك بالكلام اللي قالته رمال ربنا يكرمها و يجزيها خير الجزاء
و الف مليون سلامة عليكي مرة تانية
طاقة أمل (خبرات متبادلة حول مراكز العقم فى مصر) ج3
متابعة النقاش، صفحة 7