شاركي في النقاش

سجلي الدخول لإضافة تعليق.

التعليقات

2,013
  1. كل سنه و كل ام طيبه
    مى
    انا عندى نفس المشكله بتاعت النوم و الصحيان انتى عارفه بس عندى اشد ملك بتنام على 3 او 4 الصبح بس انا ابتديت شويه نظام معاها من كام يوم و ربنا يسهل و نستمر
    انا جيبالها كتاب حواديت بس هى بتصمم انها تمسك الكتاب و انا ببقى مش شايفه اقرا :06:
    ايه موضوع الصلصال دا بيتعمل ازاى؟

    توته
    كلامك جميل اووى عن تنظيم الطفل ربنا يسهل و امشى عليه


    عملتو ايه فى عيد الام ؟ و ايه اخبار الهدايا :27:
  2. @3aroos_elneel

    السلام عليكم ورحمة الله وبركاته
    ام سوسو جميله المقاله بتاعة والدك والقصه كمان رائعه
    توته عيون البوتاجاز تنقعيها فى خل نصف ساعه
    او تغسليها بسلكه عليها ملح ليمون
    مى ممكن تقولى لى على عجينة الصلصال كانت روشانا قالت عليها ونسيتها
    شهيده منتظرينك تفضفضى معانا وربنا يفك كربك
    ام مريم المطبخ عندى محتاج نفس الحمله دى
    عملت غدا لنا ولصحبتى لانها مريضه فاليوم كله كان فى المطبخ
    وترتيب وكنس البيت سريعا
    باقى المكواه وترتيب المطبخ
    عملت مفتة داواد باشا
    تبلت لحمه مفرومه ببصل ناعم وتوابل
    حمرت مكعبات بطاطس وبعدين الكفته كور وقليتها
    وبعدين تشوحى بصله وفلفل اخصر مكعبات وعصير طماطم
    وبعد ما تغلى تضيفى الكفته والبطاطس وملح وفلفل ونعناع مجفف بيديها طعم جديد وجميل
    مع رز جربوها سريعه وطعمها جديد
    توته البرامج جميله انا متابعه ام تصنع امه لكن فى الاعاده يوم الاحد 1 ونصف بتوقيت السعوديه
    وفى كمان برنامج حلو على الرساله لدكتور محمد الثوينى الساعه تسعه بتوقيت السعوديه
    منتظرين عودة الغائبين ربنا يطمنا عليهم
    سبحانك اللهم وبحمدك اشهد ان لااله الا انت استغفرك واتوب اليك
  3. @khrman12

    صباح الفل

    توتة..عاوزة اسالك علي حاجة عبيطة معلشي بس شاغلة بالي انا قريت هنا موضوع ان الحامل تفتح جفن عنيها الشمال من تحت لو لقيتي حرف y او v يبقي الحمل في بنت وانا عملت كدة من باب الفضول لقيت فعلا فعيني الحرف واضح جدا ومن ساعتها نفسي حد اعرفه حامل وتكون سابقاني عشان اعرف هل فيه في عنيها حروف كدة والسونار قال نوع البيبي ايه؟؟؟
    انتي عرفتي نوع البيبي ايه ولا لسة وهل فعلا فيه في عينك حرف كدة ولا لاء؟؟
    انا بتمني من رب العالمين يرزقني بولد لاني نفسي افرح جوزي كله نعمة الحمد لله بس كله علي الله ولا يرد القضاء الا الدعاء
  4. @am_gmylh_2

    السلام عليكم
    كلامكم جميل جدا
    توته البطوطه بصراحة نظامك فى نوم بنتك يجنن
    انا لما كان جوزى موجود يقولى عوديه ينام بدرى وانا اقوله مش هاينام الا لما يلاقينا ننام كمان
    وكان بيسهر ويجننا لغاية ماجوزى يزهق وينام
    ولغاية دلوقتى انا قاعده عند ماما مش بينام الا لما اجى انام ولازم يقعد يزعجنى شويه وبعدين ينام
    وعندك حق فى ان الطفل اخر حاجة بيتعرض لها بتتخزن فى عقله الباطن لاحظت كده امبارح
    ده كمان موضوع شاغلنى انبى هايتم سنتين ان شاء الله الشهر الجاى واول مايشوف مسدس او ضرب فى اى مسلسل مثلا يعيط ويقولى هايموت وامبارح ده حصل وفضل طول الليل يترعش وهو نايم ويعيط
    مش عارفه اعمل ايه فى الموضوع ده انا نفسى ابنى يطلع شجاع مش جبان
    ربنا يقدرنا على تربية اولادنا تربية اسلاميه صحيحه
  5. مى
    كلام من القلب بيجى الساعه 3 بتوقيت السعوديه و يوم الثلاثاء بيجيب دكتور اطفال شاطر اووى تابعيه

تابعي تجارب أخرى من هذا القسم.