مراااااااااااحب حبيبات قلبي اناااا
الان وله الحمد والمنه وصلت لوزن ماعمري في حياتي لمحته اوحتى تخيلت اوصله
63.500 كيلو
يعني نزلت 70 كيلو جرام خلال سنتين...
ادري بتقولون مده طويله انما حصلت على
_ جسم مشدود بنسبه 80% قياسا بكمية الوزن اللي نزلتها
_ النزول البطيئ يعقبه قدره على التحكم بالوزن وعودته تكون صعبه
_ بتحول جهاز الحرق في الجسم من جهاز بطيئ وضعيف لجهاز قوي وسريع فتلقين جسمك يحرق اسرع لانه تعود على الاكل الاقل فما يتعب بالحرق ويتكاسل ويبدا ياجل ويخزن
اعتقد كثير مافهموا هالحكي...لكن راح افصله مره ثانيه
_ النزول البطيئ يعطيك فكر واعي للاكل الصحي وحب لجسمك واحترام له اكبر
..........
وبما اني وصلت لهذا الوزن حاليا قدامي 10 كيلو ابي انزلها على مدى 5 شهور
بتقولون كثير برضو
لكن انا ماوراي شي
يعني هدفي 53 قبل رمضان باذن الله...
ففكرت بتجمع رايق وهادي للسعرات وبتفكير منطقي لكل بنت وكل وزن
انا الان بشرح على وزني وكل وحده تحط وزنها وتفهم عليه
طبعا انا من اكثر الاشخاص المغرمين بالارقام فلو سمحتوا ركزوا واتم تقرون
لان الاسئله المكرره واللي اجابتها واضحه في شرحي ماراح ارد عليها
وسامحوني لاني مره مشغوله
لكن انا فتحت هالموضوع لكثرة الطلبات عليه من حبيبات قلبي ...
ولكم الشرح...
**************************************************************************
انا احتاج لتثبيت وزني واني ماازيد الى
63.5 * 25 = 1587 خلونا نقول 1600 كالوري باليوم يني بالاسبوع 11200 كالوري وبالشهر 44800 كالوري
وعلشان انزل كيلو لابد اكون استهلكت او استغنيت عن 7000 كالوري
يعني لو ابي انزل كيلو بالشهر لابد اخذ يوميا 1300كالوري
هنا بكون استغنيت عن300كالوري باليوم يعني بالاسبوع 2100كالوري يعني بالشهر 8400 كالوري وحنا نحتاج 7000
يعني عندنا زياده 1400 كالوري ممكن نحطها للويك اند...بشرحها لاحقا
يعني كيلو نزول واكون اخذ 1300 كالوري يوميا
اجل لو استغنيت عن 600 كالوري باليوم راح يكون النزول بالضعف
وراح انزل 2 كيلو بالشهر...
طيب لو قلنا ان الويك اند يومين بالاسبوع ونكون فيها ناخذ الاحتياجي اليومي االعادي بالنسبه لي اخذ 1600
وبيبق بالاسبوع 5 ايام
في هذي الخمس ايام يكون فيه نوع من الشده
مثلا انا
هدفي 2 كيلو بالشهر
والشهر فيه 4 اسابيع
وكل اسبوع فيه يومين ويد اند
يعني انا اخذ بالشهر 20 يوم دايت و10 ايام ويد اند
اذا شغلي فقط على جسمي في الـ 20 يوم هذي بس
يعني انا هدفي 2 كيلو في 20 يوم
لو استغني عن 700 كالوري باليوم واكون اخذ 1100 الى 1000 يوميا راح اوفر 14000 كالوري يعني 2 كيلو
وعندي يومين ويك اند مرتاحه حتى لو اخذ 2000 كالوري بيوم منهم
ادري لفيت روسكم
لكن اللي تبي احسب لها فقط على 20 يوم و10 ايام فري يعني يومين بالاسبوع فري و 5 ايام التزااام كامل
انا مستعده
لكن لااحد يجي يسطر لي اكله ويقول احسبي لي
احسبوا انتم اكلكم من هالموقع لانه ممتاز
http://www.moh.gov.sa/badana/Calories.htm
لي عوده بكلامي الكثير المزعج:p
الموضوع مغلق