شوفوا صديقتي تحسدني !!! شرايكم

شوفي انا بصراحه بحاله ممتازة وكانت لي صديقه حالتها الماديه ضعيفه فكانت تحسدني على كل شي ولما اول مره انخطبت انا كنت فرحانه وقلت لها اهي اكبر مني حسيت انها بتموت على عكس رفيجتي الثانيه الي قامت تدعي لي بالتوفيق وقامت تبكي من الفرح المهم صارت مشاكل وانفصلت عن خطيبي الاول ولما الله وفقني بواحد ثاني ما قلت لها الا لما ملكت وحسيتها تبي تموت يعني انتي الحين عرفتي نها حسوده يعني هذي مو صديقه حاولي تبتعدين عنها شوي شوي واذا كانت تسآلج بآستمرار تهربي من اسآلتها انا حاسه فيج انج بنوته مخطوبه ودج الكل يعرف شنو يصير معاج لكن في ناس ما يملي عينها غير التراب ويا اختي حافظي على نفسج وعلى خطيبج وتجنبي النوع الحسود من الصديقات والله يوفقج ان شاء الله

هذي موصديقه هذي عدوه انا كنت اعرف وحده اعتبرتها صديقه بعد ماشفت الويل من حسدها وحقدها الي كان يبين في عيونها عرفت انها عدوه وتركتها وقعداتعالج باالرقيه الشرعيه كله من تحت راسها جاني حسد غيرحياتي للأسوء من بعد ماكنت اقولها كل شئ يصيرفي حياتي مع اهلي وصديقاتي وبعد مانسيتها تفاجأت انها قاعده تاخذ اخباري مع الناس يعني لسى مانسيتني كل همها تشوف انا مرتاحه ولاتعبانه واذا شافتني في قمة شياكتي وسعادتي اشتهقت وعصبت وانقلب لونها انتبهي من صديقتك لاتطلع زي صديقتي {سابقاً}

1/العين حق حصني نفسك و إكتمي سرك
2/ نصيحة لوجه الله يمكن صدفة بس و يمكن تتنهد بس ما قصدها إلا خير فخلي إيمانك بالله قوي و لا تكوني من اللي يوسوسون أنفسهم بالعين و السحر و غيره
ما أنكر شيئ ذكر في الكتاب أو السنة عشان كذا نصحتك النصيحة الأولى بس ما أحب الظن أو الظلم عشان كدا نصحتك النصيحة الثانية بس و الله ما أقصد أجرحك أو إتهمك بشيئ
الله يحفظك و يحفظ خطيبك