شاركي في النقاش

سجلي الدخول لإضافة تعليق.

التعليقات

78
  1. @hlm_almtr

    مشكوره اختي عالموضوع الحلو ومفيد علشان نستفيد من بعض
    انا قصتي تخووووووووووووف :hahaha: قبل كم سنه كنت بتفنن في العشاء كنت بسوي صينية دجاج ومتبل وبابا غنوج واشياء ثانيه نسيت المهم واجيك اسلق الدجاج واشغل على الزيت بقلي باذنجان واروح اقطع البابا غنوج برى عند ولدي الصغير علشان انتبه له وانسى اللي على الفرن يمكن جلست نص ساعه او اكثر وشوي الا صوت الزيت بدى يغلي وريحة حريقه الا واذكر واقوم للمطبخ الا واشوف المطبخ اسووووووود والريحه مره قويه وش سويت تحسبوني غطيت القلايه بغطاء او سويت شي من وسائل السلامه :hahaha:
    لا من الروعه ومدري وش اسوي رحت شلت القلايه من مكانها الا وتشب نار وتنثر الزيت بالأرض وكنت فارشته بلباد وشب نار ويوم شفت الدنيا مولعه تتوقعون وين حطيت القلايه من الربكه والروعه حطيتها تحت المويه :hahaha: ويشب الدرج نااااااااااااااااار والمطبخ ولع وش سويت اول مره انحط بهذا الموقف رحت سكرت باب المطبخ وطلعت انا وولدي برى في الحوش واتصلت على زوجي وعلى طول جاء يوم فتح المطبخ الا والنار طفت قال كيف فكرتي تسكرين المطبخ وماخليتيه مفتوح زين انك سكرتيه لأن المطبخ في عوازل وبمجرد تسكرين الباب تنطفي النار
    بس الحمد لله مااحترق في المطبخ الا جزء بسيط من اللباد وغيرته سيرامييك توبه ماعاد احط لباد وبالنسبه للدرج ما احترق ابدا بس قلب اسود ومع التنظيف رجع كانه جديد وتعشينا نواشف وخليت التفنن على جنب :hahaha:
    جلست يومين فيني الروعه ولا قليت الا بعد فتره طويله وماعاد صرت اطلع من المطبخ الا وانا مخلصه طبخ الحمد لله على كل حال
    حبيت افيدكم بقصتي انه لازم اذا شغلتوا على الزيت كونوا عنده مو تسوون مثلي
  2. @alkryshy

    موضوع حلو
    الف شكر

    و موقف لميس مؤثر جدا
    و ايضا العزيزة حلم المطر

    الحمد لله على سلامتكم و سلامة ابنك يا لميس


    المواقف عديدة بحيث ما اتذكرها الان
    ههههه


    اذكر شي بسيط
    في رمضان المبارك كنا داعين عائلة اصدقاءنا عندنا على الافطار
    و ما كان باقي على الافطار الا 5 دقائق او عشرة

    انا واقفة بالمطبخ اكمل اخر لمسات ..
    و اشم ريحة حرق
    اشوف الطباخ كله مطفي
    الدرجة على الصفر
    بس الريحة تقوى
    الى ان شلت كل القدور - واحد واحد - من على العيون حتى اتاكد
    و ما اشوف الا عين حمرا
    - طباخ كهربائي لوحته زجاج سيراميك -
    و النار عبارة عن ضوء احمر تحت اللوحة الزجاج

    يمكن واحد من اطفالي ساحب عين الطباخ ...و مرجعها بالخطأ
    فانا حطيتها على 0
    بس هي كانت على 1 / اعلى درجة..و الحمد لله انها على العين الصغيرة
    و كان عليها قدر الرز
    و ماكو وقت اطبخ من جديد
    و فجاة دقوا الجرس

    انا ما كان امامي الا ان اقدم الرز بدون ان احكي ولا كلمة
    بس بداخلي خااايفة و ادعو ربي ان ما ياكلوا من الرز
    ههههه

    بس هم اكلوا ..و حبوا الرز بشكل
    لان كان فيه ريحة دخان بسيطة
    و تصوروه رز مدخن !!!
    بحيث شبعوا و كملوا ..بس بقوا ياكلون رز لحاله !!!!!!!!!!
    انا قلت لهم انكم تجاملون ..بس فعلا كانوا حابينه
    و هذا من فضل ربي
    انه ما فشلني و الحمد لله



    شكرا للطرح مجددا
  3. @am_rna_altrky

    مشكورين ع الموضوع الحلو ..

    اما انا موقفي شي ثاني ..
    بعد زواجي بفتره قررت اسوي عشا محترم واعزم اهل زوجي لانهم كان نفسهم يذوقونه المهم سويت 4 اطباق رئيسيه ونوعين سلطه وبما اني كنت لحالي اطبخ واسوي >> على فكره اول مره اسوي اكثر من صنفين <<
    اتأخرت في التقديم وفي اللحضات الاخيره كان الرز يستوي على النار وصينيه في الفرن والمفاجأه >> غلقت الانبوبه <<:06:
    آآآآآآآه يابنات الدنيا سودت في وجهي ناديت زوجي وقلت له طبعا تعرفون تصرف الرجال في المواقف هذي وخرج يدور محل وكل المحلات مقفله واتصل على اهلي بما انهم كانو قريبين مني بس ماكانوا فيه ..
    وحزن بابا عليه ودق على جيراننا اللي ساكنين في بيت اهلي وماقصروا اعطونا وراح زوجي جابها ..
    والله احراااااااااااااااااااااااااج اتأخر العشا 3ساعات عن الموعد المحدد له ..
    بس الحمدلله كانت السفره تشرف والكل مدحني ..
  4. @marb

    صاحبة الموضوع
    الحمد لله على سلامتكم اختي لميس وحلم المطر واشكر اخواتي جميعا على التفاعل
  5. انا كنت ساكنه دور علوى وعندى حوش تحت وجيت اقلى بطاطس لعيالى حطيت البطاطس با الزيت ونزلت بالحوش عند عيالى يلعبون ونسيت البطاطس لين شفت الدخان يطلع من الدريشه حقت الصاله طلعت اركض لقيت المطبخ يحترق والهوايه ذايبه من النار وتنقط على الفرن والبيت صار اظلم من الدخان من الخوف نزلت انا وعيالى بنفس الوقت دخل زوجى وطفاها وستر الله

تابعي تجارب أخرى من هذا القسم.