مشكوره اختي عالموضوع الحلو ومفيد علشان نستفيد من بعض
انا قصتي تخووووووووووووف :hahaha: قبل كم سنه كنت بتفنن في العشاء كنت بسوي صينية دجاج ومتبل وبابا غنوج واشياء ثانيه نسيت المهم واجيك اسلق الدجاج واشغل على الزيت بقلي باذنجان واروح اقطع البابا غنوج برى عند ولدي الصغير علشان انتبه له وانسى اللي على الفرن يمكن جلست نص ساعه او اكثر وشوي الا صوت الزيت بدى يغلي وريحة حريقه الا واذكر واقوم للمطبخ الا واشوف المطبخ اسووووووود والريحه مره قويه وش سويت تحسبوني غطيت القلايه بغطاء او سويت شي من وسائل السلامه :hahaha:
لا من الروعه ومدري وش اسوي رحت شلت القلايه من مكانها الا وتشب نار وتنثر الزيت بالأرض وكنت فارشته بلباد وشب نار ويوم شفت الدنيا مولعه تتوقعون وين حطيت القلايه من الربكه والروعه حطيتها تحت المويه :hahaha: ويشب الدرج نااااااااااااااااار والمطبخ ولع وش سويت اول مره انحط بهذا الموقف رحت سكرت باب المطبخ وطلعت انا وولدي برى في الحوش واتصلت على زوجي وعلى طول جاء يوم فتح المطبخ الا والنار طفت قال كيف فكرتي تسكرين المطبخ وماخليتيه مفتوح زين انك سكرتيه لأن المطبخ في عوازل وبمجرد تسكرين الباب تنطفي النار
بس الحمد لله مااحترق في المطبخ الا جزء بسيط من اللباد وغيرته سيرامييك توبه ماعاد احط لباد وبالنسبه للدرج ما احترق ابدا بس قلب اسود ومع التنظيف رجع كانه جديد وتعشينا نواشف وخليت التفنن على جنب :hahaha:
جلست يومين فيني الروعه ولا قليت الا بعد فتره طويله وماعاد صرت اطلع من المطبخ الا وانا مخلصه طبخ الحمد لله على كل حال
حبيت افيدكم بقصتي انه لازم اذا شغلتوا على الزيت كونوا عنده مو تسوون مثلي
من المواقف في المطبخ ..^ـ^
متابعة النقاش، صفحة 2