السلام عليكم ورحمة الله وبركاته :
من خلال خبرتي بعطيك بعض النصائح وادعيلي :
شوفي ياقلبي
اختاري رز ابو كاس
الكمية بما انك ماراح تسوي شي غير المشاوي
احسبي لكل شخص بكاس السيف القزاز انا هذي طريقتي ___ لا تقولي كثير الزود ولا النقص واذا زاد شي حطيه بالفريزر والا عطيه جمعيه خيرية
اغسلي الرز بكل ما اوتيتي من قوه وانتبهي لا يكون فيه ريحه غبار
نقعيه قبل ساعه تقريبا واضيفي له خل او ليمون يبيض لونه
وفي هذا الوقت عليك بالكشنة السنعه (انا ما احب اكبس على موية الدجاج او اللحم ) كثري البصل واحمسيه لين يذبل وحطي معه بهارات عدله تلقينه عند العطار مجمعه وجاهزة وهي كزبرة وهيل ومسمار وورق غار وقرفه وفيه شي يسمى الشيبه كانها اوراق مجففه لونه اخضر فاتح فيها شوي بياض ريحته قويه تجي مع البهارات العدلة وطبعا الملح وشوي سكر
بعدين الماء وخليه يرتفع عن الرز بمقدار انش يكفي
وبعد ما ينشف جهزي زيت وكبيه عليه لكن لا تكثري يخليه نثري
بعدين جهزي ذيك الكشنة اللي تجيب جيرانك من رريحته الزينة :
طريقتي اقطع البصل واكثر شوي واحمسه بسمن فارم او زيت لين يشقر مره واضيف له شوي ليمون اسود وكركم وسكر وزبيب وزنجبيل طازج واذا تبين جزر مبشور
حطيها على وجه الرز وخليه تقريبا ساعه ونص واكثر على نار هاااااااااديه
والف صحه وهناء
والفال للعزيمة السنعه
الله يبيض وجهك
الحقوني عندي عزيمه ....
متابعة النقاش، صفحة 2