طاقة أمل (خبرات متبادلة حول مراكز العقم فى مصر) ج3

اذيكم ياقمراااااااااااااااااات وحشتونى

أوشى ...ازيك يا قمر...جزاكى الله كل خير على السؤال يا حبيبتى...بس أنا عايزاكى تستمتعى بكل لحظة انتى يها هنا...و ان شاء الله ترجعى بالسلامة و ربنا يجمعك بزوجك على ألف خير...

أم أنس...صباحك عسل...هاه أخدتى الميعاد و لا لسه....شكلى هاشد الودن التانية...

ياااااااااااااااه شيمولاتا .. حمدالله على سلامتك ... بصى يا بنتى الاكياس الدهنيه اللى على المبايض دى ليه االف طريقه تتحل بيها .. يعنى ما تقلقكيش اطلاقا وناس كتير اخدت علاج للاكياس دى وخفوا منها بس خليكى مع دكتور كويس اهم حاجه ..
بالنسبه لحكاية الانبوب احمدى ربنا يا بنتى احنا عندنا انبوب يمين وواحد تانى شمال يعنى ما تقلقيش وزى ما قلت لكوا قبل كده انا اعرف واحده حملت خارج الرحم والانبوب بتاعها انضر جامد جدا ومع ذلك ماشاء الله حملت على التانى وجابت تلات بنات زى القمرات فا موضوع الانبوب الواحد ده مفيهوش مشكله اطلاقا بس تخلى بالك من اللى ام انس قالت لك عليه .. تنامى على الجمب اللى فيه الانبوب السليم بعد الجماع
.. وياريت تعرفى ايه سبب انسداد الانبوب علشان تتجنبيه
وبعدين انتى بتقولى ان الانبوب مافيهوش امل.. ليه ؟؟ وضحى الصورة علشان نفهم .. لانى اعرف ان الانابيب المسدودة بتتسلك بالصبغه

اما بالنسبه للمنشطات يا حبيبتى انتى اساس كنتى بتتعالجى من التكيس .. فا انصحك قبل ما تبتدى فى التنشيط اتأكدى ان التكيس انتهى من عندك وان جسمك مستعد للحمل دلوقتى .. علشان ما تحصلش اى مشاكل سواء تنشيط زايد للمبايض انتى مش محتاجاة .. او انك تحملى ويكون الحمل مش سليم ويحصل اجهاض لاقدر الله .. فا لو سمحتى عيدى تحاليلك تانى علشان تتأكدى من انك خفيتى من التكيس

وبالنسبه للعمليات ده يعتمد على حالتك و على رأى الطبيب بتاعك ...
لو انتى حالتك ما ينفعش ليها غير الحقن يبقى خلاص توكلى على الله واستخيرى قبلها.. بس طبعا انتى هتحاولى الاول طبيعى وتشوفى الوضع ايه يمكن ما تحتاجيش لاى عملية وتيجى من عند ربنا
وربنا يقدر لك الخير دايما ..

اشتقت اليك .. صباحك ياسمين .. حبيبتى منورة والله .. بجد ما تختفيش خالص عننا .. لما بتكونى نشيطة كده بحس كأن كل البنات موجودين ولما بتغيبى الملف بيضلم .. :35: .. المهم انتى عامله ايه .. النهاردة التلات معادك مع الدكتور عادل بأمر الله .. ربنا يطمنا عليكى يا قلبى وان شاء الله هيطمنك ويقللك ان كل شئ بقى تمام

أم التوأمان .. ربنا يرزقك الذرية الصالحه يا حبيبتى .. اجتهدى فى الصدقه والاستغفار والدعاء .. وربنا هيكرمك

ايناس ,, ايه يا بنتى .. وشك ولا وش القمر .. عامله ايه .. يارب تكونى بخير .. مش هسألك انتى قررتى ايه علشان انا عارفه ان انتى اول ما تقررى حاجه هتقولى لنا علشان ندعى لك :26:

أم أنس .. حبيبة قلبى .. هخلى شوشو تشد الودن التانيه :pinklove::pinklove:.. انتى حرة .. خلينى ساكتة احسن ..صباحك زى الفل

أوشــى .. ازيك يا بنتى عامله ايه .. :27:

رمال واشتقت اليك وام انس جزاكن الله خيرا على ردكم عليا وهقولكم حالتى دلوقت بالتفصيل
اولا التكيس من سنتين بتعالج منه ولسه زى ماهو مبيروحش لانى حاولت كتير اخفض وزنى لكن برجع اتخن تانى وعندى وزن زايد دلوقت 11 كيلو
بالنسبة للاكياس الدهنية معرفش عللاجها ايه
بالنسبة للانبوب المقفقول الدكتورة هنا قالتلى انه مفيهوش أمل خالص لانها ودتنى لاستشارية عملت صبغة لكن بدل ماتحقن صبغه حقنت دوا فى الانبوب يسلكها ويفتحها وكانت النتيجه بردو مقفول تماما
انا قلت للدكتورة اما انزل مصر اعمل منظار بطن ؟ قالتلى لأ لانها خايفه من المنظار يقفل الانبوب السليم او يعمل التصاقات ونبقى خسرنا الاتنين
انا مشكلتى انى معنديش خبرة وفى الحاجات دى
ازاى اعرف اسباب قفل الانبوب ياريت تفيدونى ارجوكم
دلوقت تقريرى الاخير تكيس مبايض وبتعالج من سنتين وانبوب مقفول تماما وانبوب طبيعى واكياس دهنية عالمبيض وبدأت السنة التالته جواز ومحصلش حمل ولا مرة وتحاليل جوزى الحمد لله سليمه
ياريت تفيدونى