ليش صلصة التوفي ما تضبط عندي

كل ما أحاول أسوي صلصة التوفي ما تضبط عندى ليش ما أدري
مع أني أسوى نفس المقادير قشطة وسكر

5 تعليق 9,250 مشاهدة

شاركي في النقاش

سجلي الدخول لإضافة تعليق.

التعليقات

5
  1. @shhodh22

    عيوني اول شي حطي السكر في طاوه تيفال وخليه على نار هادئه لين يصير لوه ذهبي فاااتح مع ملعقتين كبيره زبده

    أنتبهي لا يغمق لونه لأن بيصير طعم التوفي مر

    بعدها حطي القشطه وحاولي تقلبي بسرعه حطي شوي شوي وقلبي وحطيلها ملعقه حليب سائل لو صار فيه شوية تشابك وبتصير عندك توفي تهبل
  2. @dloaah2

    فيه طريقه جديده شفته في كتاب المطاحن الجديد بس ما جربتها

    لكن في بعض الأخوات جربوها

    وهي أنك تجيبين علبة حليب نستله المكثف وتحطنه بقدر به ماء وتخلينه يغلي ساعتين

    وبيكونلك توفي
  3. @ktakyt

    بالنسبه لي انا ما احط حليب ليش لانه يضبط معاي قولوا ما شاء الله
    احط السكر على نار هادئة لحد ما يشقر وبعدين اضيف له الزبده واحركه بسرعه بواسطة المشبك الحديدي مال الخفق واول ما تذوب الزبده ارفعه من النار وبسرعه احط القشطه مع التحريك بسرعه واذا حسيت انه برد ارجعه للنار بس لازم تكونين سريعه بالتحضير علشان ما يتكتل التوفي
  4. @shamsy_alaayn

    صاحبة الموضوع
    مشكورات يا أخواتي بجرب الطرق وبشوف النتيجة
    لأن كل مرة أسوية مايضبط أما يطلع مر أو يكلكع عندى

تابعي تجارب أخرى من هذا القسم.