الي تعرف ترد .. تقولي كيف ارد على زوجي

لاحول ولاقوة الابالله العلي العظيم اكثري منها اختي الرجال اليومين هذي مستخفين حسبي الله ونعم والوكيل

أسال الله العلي العظيم بـأسمائه وصفاته الحسنى والعلى انه يهدي زجك ويصلحه ويكفيه شر البنت هذي ويكفيك شر النت الله

يسخره لك ويرده لك ردا جميلا ويصرفه عن بنات الحرام ويصرف بنات الحرام عنه ياااااااااااااارب ياكريم

حبيبتي
أول شي لااازم تجلسين مع زوجك جلسه مصارحه
اللي يقولون طنشي بصراحه يختلفون الناس
أنا ما أقدر اجلس مع شريك حياتي وفــ نفسي شي
كيف بتكلم معاه ,,,كيف اعصابي بتتحمله !!!


ثاني شي لاتتوقعين ياقلبي اي زوج يخون لأن زوجته فيها عيب
اللي ناقصه شي يدور بالحلال !!!
والعيب مو فيك حتى لو جا قصور منك لكن العيب فيه
يكفي انك في هذي الفتره محتاجته ونفسيه النفاس معروفه
هل كونه طنشك وانشغل عنك يحلل لك انك تخونين لاقدر الله
اذا انتي قصرتي مره هوا قصر عشره انتي تعبانه لسبب انك جبتي طفل يشيل اسمه مو تدلعين عليه

انا ما أقولك هذا الكلام اخليك تتحاملين على زوجك
لكن لاحظت في كلامك انك كأنك تبررين أسباب أنشغالك
أنشغالك طبيعي جدا واي أم جديده تكون مثلك
حطي قدام عينك حل المشكله مو تكلمين البنت لكن لازم تتفاهمين مع زوجك
لأن بعض البنات تكون زله وتتوب
وبعضهم اعوذ بالله كانها ابليس ماهمها شي أسأل الله لهم الهدايه

قولي له لاتتوقع سكوتي ضعف لكن اتوقع أي تغير بيصير فيني ولا تستغرب
أهتمي بنفسك ولا تشغلين باالك فيه وأدعيله كثييييير

أكيد بعد الولاده محتاجه تنزلين وزنك,, وتغيرين لوك ,,وترتبين امورك من جديد
شوفي وش تحبين تسوين سويه لنفسك مو عشانه
أهتمي ببشرتك ,,,اهتمي بطفلك ,, ونفسيتك أهم من أي أحد

باختصار حبي نفسك يحبك

ربي يفرج همك ويريح قلبك

اسأل الله ان يسخر لك زوجك ويزيد محبته لك
وان شاء الله يكون كل اللي بالك مجرد ظنون ومو حقيقه

وبالنسبه لتصرفك معه من وجهة نظري..

فهميه بأسلوب حلو مع شويتين دلع .. انك من حبك له تغارين عليه من النسمه والهواء الطايره
وما ترضين اي احد يشاركك فيه لو مجرد محادثه عالنت
وضحي له بما انك في النفاس ...فأنت في هالفتره محتاجه له ولقربه منك
عشان اذا قمتي بالسلامه وطلعتي من النفاس تكونين بكامل عافيتك
وصحتك النفسيه والجسديه وبتعوضينه عن كل هالايام اللي انتي انشغلتي فيها عنه

وقوليله ساعدني عشان تعدي هالايام على خير


ولو كابر وقال انا ماقصرت عليك بشيء

قولي له انت ما قصرت بشي الله يخليك لنا ولا يحرمنا منك ومن خيرك

لكن انا طماعه شوي وودي بزيادة اهتمام وانت كريم واحنا بنستاهل والا ؟؟...!!
يعني خلي كلامك عن اهتمامه فيك وعدم انشغاله بالنت وغيره
ولا تركزين على سالفة انك تشكين فيه

طبع رجال هالايام ما يعترفون انهم غلطانين ولا يحسون بعظم الشي اللي يسوونه
في حق زوجاتهم


الله يفرج همي وهمك حبيبتي وجميع المسلمين ولا تشغلين بالك بهالافكار اللي هي مجرد ظنون
انت بحاجه للراحه النفسيه اكثر من الجسديه


وبالنسبه للي حسستك انك مقصره معاه
أسأل الله ان يذيقها اضعاف الحره التي اذاقتك اياها
لانها بكل وقاحه ما اعترفت بذنبها وخلتك انتي الغلطانه


حسبي الله على كل وحده تكلم واحد متزوج بارادتها وتتسبب في تدمير سعادة غيرها