السلام عليكم ورحمة الله وبركاته
دائما لماادخل هذا القسم يعطيني اصرار اكثر اني اعتمد على نفسي
في شغل البيت كان عندي حبشية بس تساعدني في المطبخ ومسح الارضية
لكني مشيتها لاني شفت الفرق بين شغلي وشغلها والله فرررق وااضح مع انها
الكل يمدحها :06: احس الحريم بس يمشوا حالهم
الهم بدأت بالشغل وظهري يووووووجعني وكل يووم يزيد لدرجة اني مااقدر
اتمدد لمااجي انام لو شغلة بسيطه تتعبني والضحية اطفالي الاثنين مع انهم صغار
خمس سنوات وثلاث سنوات يااقلبي والله اعصب عليهم والجيران يسمعوا صووتي
يااااااالله تعبت قولولي ايش اسووووووووووي :06:
شاركي في النقاش
سجلي الدخول لإضافة تعليق.
التعليقات
34- وعليكم السلام ورحمة الله وبركاته
انتي ظهرك وانا رجولي (موطا القدم) مع اني مااجيب شغاله واعتمد على نفسي وشقتي صغيره
والعصبيه حدث ولا حرج ياعمري عيالي نفس عيالك اليوم بالذات عصبت عليهم مره مااحب اشتغل
ويحوسون وبالليل رحمتهم وجلست اعاتب نفسي وش ذنبهم اعصب عليهم؟؟؟
كاني بك تقولين بنفسك(جيتك ياعبد المعين تعين ولقيتك ياعبد المعين تبي العون)خخخخخخ
الله ياجرنا باللي نسويه ببيوتنا .. - آآآآآه من الم الظهر
خليها على ربك بس
انا فكرت اراجع دكتور من كثر التعب:(
وعلى قول اختي السديم جبتك ياعبد المعين:) - الله يعينا كلنا
وان شاء الله ربنا مايضيع اجرنا
انا كله ظهر ومغص والساق وموطى القدم
استغفر الله العظيم
امري لله
وش السواة بس
الحمدلله على كل شئ - السديم اشكرك على مواساتك ههههههههههه خااصة الاطفال
لما ناموا قمت ارتب مع اني ماجلست من صحيت كله ارتب
المهم شلت صندل بنتي والله دمعت عيوني وكنت ابغى ابووس الصندل
من كثر ماني حاسه بتأنيب الضمير ,, وهم الله يهديهم اذا جيت انظف
يجوا معاي بس عشان يتفرجوا ويقاطعوني والوقت يضيع بدون فائده
<< انجليزيه يهمها الوقت
طيف حلم وMOOONY حتى انا افكر من زمان اراجع طبيبه لكن من كثر الاشغال
ماعندي وقت حتى للمستشفى
الله يعطيكم العاافية - هلا اختي ودي ابكي=======والله وانا بعد ودي معك ابكي:06:00
الزبده توني طالعه من وجع ظهر الله لايوريه لمسلم0 حتى قومة الحمام الله يكرمكم مااقدر عليها وكنت اكابر واقول بكره يروح الا بكره الييييييييييين ماعد قدرت لاانام ولا اجلس والله احس اني بأنشل واروح المستشفى واسوي اشاعه وفي النهاي طلع من شيل الثقيل ولان انا سمينه زاد الطين بله0 وعطاني ابرة فولتارين وحبوب عضلات وياربي لك الحمد والمنه كلها يومين وقمت عادي 0 المهم ياخوات لاتتهاونون في وجع ظهوركم ونرحم انفسنا شوي من شيل الثقيل والله مالنا الا صحتنا لا طحنا ما حد شايلنا ولا الشغل عمره ماينتهي 00
مواضيع مشابهة
تابعي تجارب أخرى من هذا القسم.