شاركي في النقاش

سجلي الدخول لإضافة تعليق.

التعليقات

28
  1. @rafan_1

    حسبي الله ونعم الوكيل

    اولا اذا انتي قويه وعندك قدرة على تحمل الجاي جلسي عندهم

    ثانيا موقف زوجك يخوف بصراحة يعني حلو انه معك لكن مااتأمنين له وخصوصا انه للحين شاك وحارمك من صديقاتك
    وخافي عليه ومنه برضو

    خلي القرأن حاضر بشقتك على طول والاذكار والرقية واذا عندك شي من الاوراق والطلاسم وديها لشيخ موثوق فيه وقوليله وخلي زوجك يروح معك عشان يتأكد وتبين براءتك قدامه

    اما اذا قلبك مايقدر يتحمل كل هالحقد والحسد والعياذ بالله ابعدي عنهم واشتري راحة بالك وصحتك ومافيه شي يسوى

    وخلي بالك على زوجك وبنتك ونفسك والله ينصرك على من عاداك ونوالك بالشر
  2. @naaamh_alshmr

    قطوه نعسانه
    اختي نصيحه لج خلي سورة البقره على طول بالمسجله تشتغل ولاتوقفينها تبطل اي شي واي سحر وثاني شي خلي عندج بطل ماي واقري عليه المعوذات واقري عليه سوره البقره وكم سوره تقدرين تقرينها وفي رقيه شرعيه حق احمد بن علي العجمي عن السحر وال…
    خلي سورة البقره على طول بالمسجله تشتغل ولاتوقفينها تبطل اي شي واي سحر


    وثاني شي خلي عندج بطل ماي واقري عليه المعوذات واقري عليه سوره البقره وكم سوره تقدرين تقرينها


    وفي رقيه شرعيه حق احمد بن علي العجمي عن السحر والعين والحسد حطيها على طول او حاولي تقرينها على الماي


    وحطي الماي مثلا اذا ماتبون تشربونه اطبخي فيه يكون بالاكل والله يعينج بس الصبر زين واي شي يصير قولي حسبنا الله ونعمه الوكيل حاولي تكسبين زوجج لصفج كثر ماتقدرين عشان مايقلبونه عليج ولو تقدرين اطلعي من البيت واشتري راحت بالج احسن


    والله يعينج ويخلي لج امج ويريح قلبها امين
  3. اولا انا مع اختي انا واليل والغربه...بس اعذريني على كلامي وبدون زعل انا بنصحك زي اختي اولا انتي عليك 80 % من الغلط تدرين ليش لانك شفتي اشيااااء كثير من بداية زواجك وساكته يا حبيبتي المفروض ما سكتي المفروض زوجك يكون على علم بكل شي عشان ما يجي يووم ويقلب عليك وهذا اللي صار ...انا ما اقول تصيرين نقاقه وكل صغيرة وكبيرة تقولينها له كذا بيفسر انك غيرانه منها وما تصدقين بالزله منها عشان كذا خليك وسط بس لااااااااااااااازم يكون على علم
    وبعدين انتي من اليوم ورايح تغيري معاهم خليك رسميه هذولا ناس ما ينعطون وجه بس بحدود خالتك احترميها سلمي عليها زوريها بس بحدود خليك رسميه معهم وقوي نفسك وشخصيتك لا تسمحين لهم يتمادون عليك
    امورك الخاصه اصحك تتكلمين فيها عندهم ولو اضطريتي تبينين لهم انك منتي رغبانه فيهم زي قبل يكون احسن
    ومن اليوم ارقي نفسك وبيتك وزوجك واذا رقيتي قولي اللهم اني اعوذ بك نفسي وزوجي وبنتي وبيتي عشان تحصنينه ولا تاخذين منها شي ولا تعطيك شي انتبهي دامها فكرت بالسحر ينخاف منها لو تتضطرين تجلسين بعيد منها يكون بعد افضل وادعي ربي طبعا هذا افضل حل بس مع النصايح ولا تنسين غيري من نفسك
    :)
  4. صاحبة الموضوع
    الناعمه في حريرها
    اولا انا مع اختي انا واليل والغربه...بس اعذريني على كلامي وبدون زعل انا بنصحك زي اختي اولا انتي عليك 80 % من الغلط تدرين ليش لانك شفتي اشيااااء كثير من بداية زواجك وساكته يا حبيبتي المفروض ما سكتي المفروض زوجك يكون على علم بكل شي عشان ما…
    مشكوره خيتو عالنصيحه واكيد ماراح اعل
    انا ماكتبت مشكلتي الا لأني ابي النصيحه منكم

    وعلى معاملة اهل زوجي حتى امي قالتلي خليك معاهم رسمية قد ماتقدرين وخلاص وقت المزح راح:mad:

    انا يوم عن يوم انصدم من خالتي كنت لها اكثر من البنت والله اني احبها واهي كانت مو مقصره معاي بس فجأه قلبت ومن بعد هالسوالف احسها ماتشتهي تشوفيني ماتتصل علي ولا تصعد شقتي مثل اول

    حتى اذا نزلت عندهم يووم جمعتهم احسها مو متقبله وجودي 00 فكرت اني اقطع سالفة النزول يوم يجتمعون بس ماودي تكبر العداوه لهالدرجه

    وتخيلي اخر مره اجتمعنا يوم الخميس انصدمت من وحده من حمواتي بعد مامشوا حمواتي كلهم وظلت اهي م جابت شي ثاني مسكتني وقالت شوفي
    وقامت تقولي قصة وحده على قولتها سمعتها تقول انو هالوحده تعونت وصديقتها على اهل زوجها وسووا سحر لهم ومن بعد هالسحر قلبت الصديقه السحر على صديقتها وخلتها تتطلق وخذت زوجها

    وفجأه قلبت وقالت انا ماغير من سلفاتي وهم اللي كانوا يغارون مني والله عاقبهم ومدري ايش

    والله حسيت ودي اصرخ وابكي من القهر:44:
    حسيتها نحزه قويه في شي انا ماسويته وخصوصا هاذي حماتي ماتوقعت منها هالشي

    من كثر ماسببت لي هالمشاكل ظغط نفسي والله مزاجي فجأه اشوفه يقلب 180 درجه واحس زوجي يتضايق من هالشي
    بس شنو اعمل والله حتى الصخر اذا جا ظغط يتكسر شلون انا

تابعي تجارب أخرى من هذا القسم.