والله بحلت مدري وش اقول قفلتيها من جميع الجهات
يعني تبين تفضفضين بس؟
عموما انتي والله اعلم ناقصه حنان ورومانسيه وتحبينه وتبينه يبادلك نفس الشعور ويعطيك نفس الاهتمام بس ماتوقع بتوصلين لغايتك اذا لك15سنه ولا وصلتي لها
خلينا نفكر سواء
1 كلامك ونصايحك تزيد المشكله وعلى طول السنين تزيد نفور ماجابت نتيجه
2اهلك مافيهم رجا مقطوعه سالفة تروحين لهم
3صحنك ونفسيتك تندمر على شخص مادرى عنك
4صرتو كل واحد ينوم في غرفه
5اصحابه والناس صارو يتدخلون لدرجه في بيت واحد ولكم شهرين مدري ثلاثه مايوديك
6اهله العلاقه معهم سيئه
نجي للحلول
1استمري علىالصلاة والاستغفار والدعاء
2وهذا مهم روحي لاخصائيه نفسيه تطلع الضغوط اللي عندك بجلسات مهو ادويه عشان تستئنفين حياتك وتقدرين تنظمين امورك لان الضغط اللي انتي فيه 15سنه يزيدك هم وحيره ولخبطه
3اثقلي خلاص هو زوجك وهذي حياتك من 15سنه يعني مانفعك الملاحقه لازم سياسه اخرى ولا تستهينين فيها
4اللي تحلمين فيه من رومانسيه وحب خلاص طلعيه من راسك
5عيشي دور الزوجه الام صاحبة البيت ربة الاسره انشغلي شوي عنه تغاضي لاتوقفين له على اي شي طنشي تعلمي سياسة التطنيش لان مالك حل الا هي ولا بتندمرين وبتندمر حياتك
6اذا رضيتو خلاص انسي الزعل والمشاده ولا تخلينه محور حياتك خليه جزء من حياتك لانك جزء من حياته منتي المحور الرئيسي
وركزي على هذي النقطه وتراها هي مشكلة اغلب الازواج والزوجات اللي دايم يكررونها المطلقات بس اتمنى تفهمينها الحين قبل يفوت الاون وتصير زي المطلقه ندم خليها نقطة بدايه
يووووووه الحكي كثير بس تعبت واهم شي اللي تقدر على التنفيذ
مشكلتي مع زوجي واصحابه واهله واي احد يعرفه
متابعة النقاش، صفحة 2