[رابطة] أصحاب العمليات الجراحية للتنحيف

يعز غاليج حبيبتي
والله الحمدلله ماشي الحال
بس اليوم خربتها شوي قطعه كيكيه ساده يعني بدون كريمه ولا شي عمل بيت
وربع كوب كولا عاديه مو دايت
يعني نظامي خرب لان الاكل مو بوقته
بس ان شاء الله نرجع باجر من جديد باذن الي ما تنام عينه

بخير عساج بخير

ليش حبيبتي تندمين

ياليت لو توضحين لنا اكثر
يعني الوزن قبل والوزن هسه وكم الفتره وشنو الفرق وشنو الي كنتي متخيلته وشنو الي استنتجتيه
ياليت ياحبيبتي تقولين لنا حتى نستفاد منج حنا والبنات الجدد جزاج الله خير

العفو حبيبتي

اسعارها تختلف
يعني مثل هنا بهولندا تبدي اسعارها من 4700 ايروا
لكن بالسعوديه ناس تقول 30 الف وناس تقول 24 الف وناس تقول بلاش ما كلفت بس الحزام يعني اعتقد تختلف من طبيب لطبيب

بالنسبه لفشلها او الي اندمو عليها
اعتقد لاننا كلنا عجزانين عن شي اسمه رياضه ورجيم وودنا بعصى سحريه تنزل لنا هل وزن الي كومناه بسنين طويله يروح بيومين

واكيد بعد من وحده لوحده تختلف تجربتها

موفقه

حمدلله على سلامتج حبيبتي
بالقص والله مالي خبره
بس السوائل الصافيه هي الشفافه بدون اضافات
والسوائل العاديه ما ادري شيقصد يمكن عصائر حليب طبعا كلها خاليه الدسم

ان شاء الله البنات يفيدوج

بس ياليت ياحبيبتي لو تقولين لنا عند اي دكتور سويتها وكم كلفت وكم كان وزنج قبل وكم صار ومن هل امور حتى نستفيد منج وبعض البنات يدخلون يسالون ولا يلقون اجابه ولا حنا نقدر نساعدهم ان شاء الله ردج بيساعدهم

أنا اقولكم يابنات ليش ندمت لاني مانزلت زي ماانا متوقعه وحاسه اني ما حنزل لاني نازله بلع انا مضيقه 3 سي سي طبعا الحمد لله نزلت بس ابغا انزل كمان يعني وزني كان 104 دحين 89 ماشاء الله