السلام عليكم و رحمة الله و بركاته
ازيكم يا بنات..انا اسفه بعدت شويه حلوين ..بس كان غصبن عنى
و من 3 ايام كده دخلت كتبت اللى حصل معايا بس للاسف منزلتش المشاركه لسبب ما و مقدرتش اكتب تانى
الحمد لله على كل حال
عموما كنت هطلق بس ربنا ستر
ههههههههههههههههههههههههههههههههههههههههههههههههههههه
التجربه مفيده جداا ان اشارككم فيها ..فيها عبر من كل الجهات
و سببها ناس من بره ..وانا كنت فاكره ان سفينه الحياة بالمشاكل و الصعاب كانت استقرت بيا و زوجى بعد 5 سنوات متقلبين ..و جاء الحدث ده اللى كان يبان منه خيانه من نحيته
بس الحمد لله ظهر انها كانت من صديقه اللى كان هيتجوز على مراته و للاسف كان يستخدم موبايل جوزى يكلم الهانم منه و يبعتلها رسايل و بالصدفه زى الافلام كده شوفت كل حاجة وطبعا توقعت انها من جوزى لواحده الله يلعنها
و بعد مشاااااااااكل ..وجبت اهلى من البلد ..و اهله
و فين و فين
لما بانت الحقيقة
اللى كان جزأ منها كذب الصديق ده على جوزى نفسه
و على البنت اللى كان ماشى معاها و طبعا على مراته
بس انا ربيت البنت دىىىىىى بشكل تحرم منه
و انتقمت منها و شفيت غلى و توبتها
و طبعا الصديق ده بهدلته لانه كان زميلى فى الشغل سابقا
و علمتهم الادب
و جوزى النصيب الاكبر
لانه اشترك فى الخداع ده وصدق صاحبه فى كل شئ
بابا قلى اتعلمتى الردح ده فين :hahaha::hahaha::hahaha:
بجد اكتشفت انسانه تانى جوايا وقت اللزوم
و الحمد لله انا مطلقتش
رغم انى كنت مصره بأعجوبه و قوة على الطلاق
و مكنش هيهمنى
معررررررررررررررفش اعيش مع كداب
مخادع
بيضحك فى وشى و من جواه بيقول يا عبيطه يا مغفلة
معرفش اكون بستحمل كتييير كتيييييييير
ودفنت نفسى للخدمه و الرعايه
و عشت حياة سى السيد 2000 من اول يوم فى حياتى
معرفش اكون تنازلت عن احلامى العمليه بعد نجاح يشهد الكل بيه
علشان ايه
ولا انذار
و لا تخيير
ولا لفت نظر
انا مش كااااامله ابدااااااااااا
وفيا عيوب الزمن
بس نبهنى
هاتلى لبس جديد
انا مليش دخل خاص بيا
ادينى فلوس اروح للكوافير
ساعدنى
بس مش تغدر
الحمد لله انتهى الموقف
و الحمد لله بطريقة مباشره انتهت العلاقة السافله بين الصديق و البنت دى
اللى كانت هتتجوز فى السر من اب و زوج
وكانت فكرانى وانا ببهدلها انى مرات هذا الشخص
و مكنتش تعرف الهانم
ان زوج المستقبل
كان خاااااااااااايف من مراته
و بيستقبل الرسايل على موبايل صاحبه و رناتها نص الليل
كلاااااااااااااااااااااااام فارغ
انا طلعت من التجربه دى واحده تانية
عايزه ابطل اضحى اوىىىىى كده
عايزه ابص لنفسى شويه
وعايزه اكون الست الكامله
لما دخلت الصفحة دى كانت فى البدايه عن التنظيم و النظافه
و بعدها ابتدت البنات تتكلم عن الازواج و الاولاد والمشاكل
لاننا محتاجين نكون فى اقرب صورة للكمال
بمعنى
مينفعش تكونى جميله و بس لازم تكونى ست بيت شاطره و مربية
مينفعش تكونى ست بيت كويسه و بس
لازم تكونى بتعرفى تتعاملى مع زوجك و الناس و بتربى اولادك تربية سليمة
كله بيكمل كله
لسه الافكار متخمرتش فى دماغى
بس انتم صحبة الخير
و نفسى اعرفكم و اقرب منكم
ربنا يصلح الاحوال للجميع
اميييييييييييييييييين
مرت سنة كاملة على بيت الحب والإيمان
متابعة النقاش، صفحة 340