شاركي في النقاش

سجلي الدخول لإضافة تعليق.

التعليقات

56
  1. صاحبة الموضوع
    هلا خواتي اسفة تأخرت ما تشيكت الردود .. بس من سوو الصيانة حق المنتدى احس انه استوى بطيء .. ما ادري و الله يمكن البعد المشكله من جهازي

    المهم

    شهد العيون
    و تسلمين انتي بعد حبيبتي .. مشكوره انها عيبتج

    هنوووفة
    لا شكر على واجب .. ان شاء الله كل ما بلقى فرصة احط شي في المنتدى بحطه .. و انتو عاد جربوا

    الفصول الاربعة
    الله يعافيج .. الكريمه السايلة هي الكريما الي تستعملينها حق الطبخ سواء الحلويات او الموالح .. اسمها الثاني whipping cream

    اجا الليل
    الله يسلمج يا رب .. مشكوره عزيزتي

    عيون الافئدة
    مشكوره الغالية على الكلام الحلو .. يزاج الله خير
    بصراحة انا ما عندي جبنة كيري حاليا و الا تشان شفتلج كم بالضبط .. ما ابغي اقولج اي رقم عشان ما تخترب المقادير عندج ، بس اذا انت عندج العلبة مالت كيري شوفي من برا كم مكتوب عليها و اقسميها على عدد الحبات الي داخلها و بعدين شوفي كم بالضبط تحتاجين عشان يساوي مجموعهم 800 جرام .. او اربع من فيلادلفيا 200 جرام

    ام ساره-33
    شكرا على المرور عزيزتي .. يزاج الله خير

    أناناسة
    الله يسلمج يا رب .. يزاج الله خير يا الغالية
  2. صاحبة الموضوع
    أناناسه
    عندي كم سؤال عزيزتي بخصوص المقادير وش تقصدين بالكريمه السائله؟؟.. بعدين ماتحسين ان 4 علب جبنة فيلاديفيا كثير راح يكون الخليط؟؟ ارجو التوضيح لان ابي اسويها ويعطيك الف عافيه
    هلا بيج مره ثانيه يا اناناسة

    الكريما السايله يبيعونها في قسم الثلاجات عند الاجبان و هي نفسها الكريما الي تستخدم حق الشوربات او المكرونه و كثير من الحلويات

    انا اول مره سويت ها الكيكة اعتقدت ان الجبن كثير عليها .. خصوصا لما حطيت طبقة الجبن الاولى في الفرن و انتفخت ، كنت خايفة الجبن يسيح على الجوانب .. بس بعد ما بردت نزلت الجبنه .. و نفس الشي بالنسبة لطبقة الجبن الثانيه شوي انتفخت بس ردت فشت .. يعني مقدار الكيكة يناسب بالضبط قالب التشيز كيك مقاس 9 انتش .. مش كثير عليها .. بعدين هي بتكون مرتفعه
  3. صاحبة الموضوع
    أناناسه
    عندي كم سؤال عزيزتي بخصوص المقادير وش تقصدين بالكريمه السائله؟؟.. بعدين ماتحسين ان 4 علب جبنة فيلاديفيا كثير راح يكون الخليط؟؟ ارجو التوضيح لان ابي اسويها ويعطيك الف عافيه
    هلا عزيزتي اناناسة

    خلني اجاوب على اسإلتج

    طبقة البسكوت فعلا بتكون رجيجة .. انتي يمكن ما قريتي الطريقة عدل .. في الطريقة انا ذكرت انج لما بتين ترصين طبقة البسكوت في قاع القالب ، ارفعي شوي من ها البسكوت على حواف القالب .. بعد طبقة وايد رجيجة .. انت شفتي في الصوره ان الطبقة شكلها متينه ، صح ؟ .. هاي الزيادة الي على الاطراف ، الطبقة الي تحت صح بتكون وايد رجيجة .. يعني انتي ما غلطي

    اما بالنسبة ان الكيكة ما تقدرين اطلعينها من القالب ، اعتقد تقدرين اذا انت كنت حذره شوي .. يعني بعد ما تفكين الكيكة من القالب المحيط بها ، دخلي سكين من تحت بين الكيكة و طبقة القالب السفلى و شوي شوي حاولي تفكينها و بعد بالسكين تنقلينها لصحن التقديم .. سهلة .. لا تعقدين نفسج ، شكلج تحاتين وايد

تابعي تجارب أخرى من هذا القسم.