ملف كتاكيتنا المولودين قبل الاوان (ملف خاص بالخدج )(4)/يفتح تجمع جديد

السلام عليكم ورحمة الله وبركاته
صباح الخير للجميع....
انا ولدت قبل 20 يوم من اليوم
ولدت في الاسبوع 27
السبب: نزول ماء الجنين من بداية الشهر الخامس , انفصال المشيمه في الشهر السابع
الجنس : بنت ( ساره )
الوزن : كيلو وميه جرام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بنتي اللحين مازالت في الحضانه . ويقول الدكتور انه المتوقع لها انها تجلس عندهم 75 يوم واكثر , لانها تعبانه مره وضعيفه
تتنفس اصطناعي , والى اليوم ماشربت حليب ؟؟؟؟ حياتي عايشه على المغذي
وحصل معاها احتباس الحليب بالمعده وتسبب لها بنزيف ؟؟؟؟ وطلبوا منا دم لها لمده اربع ايام
(هذا الوضع طبيعي ؟؟؟؟)

والله ما ادري وش راح يصير معها ( حسبي الله لا اله الا هو ,عليه توكلت, وهو رب العرش العظيم )

الحمدالله على كل حال ....الله يكتب اللي في الخير لها ****لله

بس تدرون بنات اني ما شفتها الا اليوم .....والله اخاف اشوفها اتعلق فيها اكثر


هاه وش رايكم؟؟؟؟؟

الحمد لله على سلامتك ومبروك عليكم سارونه الله يحفظه لك يارب
كل الخدج يمرون ومروا بنفس ظروف ساره لا تخافين يا قلبي تعلقي بخالقها وخالقك ولا تتعلقي بالبشر الي هم الدكاتره هم مجرد اسباب مهيئها الله سبحانه وتعالى ادعي لها وتصدقي عنها وقولي هذا الدعاء والله انه عجيب
اللهم يا كافل مريم ابنة عمران اكفل بنتي علمتني اياه وحده هنا في المنتدى الله يجزاها خير
وغلط جدااااااااااااا انك ما تمريها لو طليتي فوق كم مشاركه وشفتي وش كاتبه قايين الله يسلم يدها عن التواصل مع الخديج
لازم تتواصلي معها وتكلميها وتلمسيها الطفل الخديج بالذات اذا كان عند الابوين امل وساندوه بالكلام والرعايه سبحان الله تتحسن حالته ويتعلق بالحياه والعكس صحيح اذا يأس الوالدين صابه اليأس لا تقولي ما تحس لا تحس وتعرف الدكتور كان يقول لي وش سميتوا البنت عشان نناديها بأسمها ونتواصل معها لانهم كانوا مسمينها بأسمي واذا يوم ما حضرت عاتبوني وقالوا لازم تتواصلي معها مع انها ياقلبي عليها في كل مكان حاطين لها انبوب بس اللهم لك الحمد والشكر الصبر نتيجته زينه
وشيء مهم بعد اهتم بنفاسك زيييييييين بأكلك وشربك عشان تقدري تهتمي فيها بعدين