ملف كتاكيتنا المولودين قبل الاوان (ملف خاص بالخدج )(4)/يفتح تجمع جديد

بنات عندي سؤال أو عدت اسئله موجه لكن جيعا يعني كل وحده تقراه تجاوب الله يجزاكن خير آمين
1=انا كل مره اروح لابني القاه مايتحرك ابدا ابدا بس عيونه فاتحه ولا يلفن لا يمين ولا شمال هل هذا عادي؟؟
2= ابني صار لونه اسود يعني سمار غامق بالحيل وهو من ولدته ابيض بس مدري ليش تغير هل من التدفئه اللي هو فيها؟؟
3=ايش هي المشاكل اللي واجهت ابناكم لما كانوا بالحظانه ؟؟طبعا انا قريت الملفات القديمه كلها بس فيه مشاكل بابني ماذكرتوها مادري هي ما مرت على اولادكم او ماذكرتوها؟؟
4=متى يرضع الرضاعه بعد مايشيلو الاكسجين او وهو فيه الاكسجين عادي؟؟
5=فيه احد قالوا له الدكاتره عند طفلكم ضمور بالمخ وطلع سليم مافيه شي ؟؟
هم قالوا لنا يمكن اللي مايخليه يتنفس طبيعي ظمور بالمخ بعد احتمال مو اكيد بس شاكين ...
والحمد لله ماعطيت كلامهم بال بالعكس زادي قوه وثبات والخلق خلق الله وانا راضيه بما قسم لي ربي ان الله اذا احب عبد ابتلاه سبحان الله اللهم اني اشكر نعمتك التي انعمت علي ياكريم يارب العالمين

الله يخليها لكي يارب ويطلعها بالسلامه وهي انسانه سليمه معافاه لاتعاني من اي مشاكل اللهم آمين وان يقرعينك بها انه هو الكريم الرحيم بعباده سبحانه وانشأالله تمر الأيام بسرعه وتلاقيها بحظنك بخير وعافيه بأذن الله
أما التطورات ابدا ماقالوا انه فيه تحسن او استقرار والله اعلم ولا تطورات تعطي امل بشفائه لان هذولا هم الدكاتره هذا كلامهم لان مابيدهم شي الله سبحاته هو القادر على كل شي سبحان الله العظيم
اما من ناحيه الوزن لما سالنا قالوا لنا الحين ماعليكم من الوزن لانه احنا ما نهتم بالوزن اهم شي الصحه بس اللي اشوفه على ابني ان وزنه يزيد والحمدلله وبشكل واضح يمكن لاني اتاخر عنه كثير بالزياره اشوف فرق الوزن
المشاكل اللي واجهته كثير اول ماعطوه الحليب سبب له مشاكل بالدم قالوا قلب نظام الدم عنده وتلخبط كل شي وتدهورت صحته سالناهم كيف تلخبط الدم وصارت مشاكل كثيره قالوا تلخبط الدم عنده لانه ما ناسبه الحليب وغيرنا العلاج ومشينا على علاج ثاني بالتدريج واذا شفنا تحسن بنرجع له الحليب هذا الكلام وهو عمره اسبوعين بعد ما كمل شهرين ارضعوه بس بعد صابه التهاب رئوي اظن 3 مرات كل مره يصيبه ويشفاء والحمدلله وصار عنده جرثومه بالدم صابته مره او مرتين الله اعلم قمت الخبط ما اذكر زين لاكن اظن صابته مره وحده وحطوه بغرفه للي عندهم نقص مناعه ماندخل الا علينا لبس ..
وشفاه الله الكريم رب الخلق اجمعين والحمدلله والحين على حليب لاكن بانبوب وعلى اكسجين بس الحين مشاكله قالوا مركز التنفس بالمخ ما يتنفس الا بالكسجين يعني صناعي وفجأه يتنفس طبيعي مايدرو وش المشكله قالوا يمكن احتمال ضمور بالمخ والله اعلم وفيه مشاكل ثانيه بس والله نسيت اذا تذكرت اقولك الله يطمني ويطمنك على اولادنا ياكريم

ابتسامه عشق يعني بتنك تتحرك عادي انا ابني ما يتحرك منه شي ابد ابدا سبحان الله حتى عيونه فاتحه ولا ترمش مدري ايش السبب الله يستر ولا تلف عيونه لايمين ولا شمال لا إله الأ الله
بنات عندكم فكره مين اللي ابنها او بنتها كذا وطلع بخير قولوا لي
توكلت على الله هو حسبي رب العرش العظيم