تعبت لين متى وأنا بستمر في الطريق الغلط

تعبت نفسياً لين متى بستمر أمشي في الطريق الغلط..كل ماتوب وأنسى..الحرمان العاطفي والحاجة للجنس اللآخر تلح عليه..وأرجع مره ثانيه لموضوع الرسايل النصية والمكالمات..كل ماقطع وتمر فتره طويله..يصير هالشي..ومب من نفسي..أنا ماركضت ورا حد هم أل يبدون دايما..ويا ضعفي جدام الكلمه الحلوه بسبب حاجتي لها وحرماني منها..أكثر من هالشي الحمدالله ماصار الله حفظني..دايما أدعي ربي إن الله يتوب عليه لآني والله كرهت هالشي..كرهت نفسي وإحساسي بالضعف كل ماتعلق قلبي بشخص..ساعات أدعي إن الله يموت كل الأحاسيس والمشاعر ال فيني لين ما يي نصيبي مابغي أي شي..بس ماعرف ليش يستوي العكس..أعرف أن البعض بيستنكر بس يا ناس أنا بني أدمة من لحم ودم وغير متزوجة وعمري 29 ولا أنخطبت ولامره برغم جمالي ونسبي..وهذا نصيب مالي دخل فيه..أنا أحين كل أل يهمني أني أبغي أوقف نفسي من هالشي والله كرهت هالحاله شاغله نفسي بوظيفه ودراسه ورغم هذا لما أيي وقت الليل حسيت بالوحده وويتني الرغبه في المكالمات والرسايل النصيه.وتصيبني كآبه خاصه لو شفت مافي رساله نصية من حد معين على تليفوني..يا ربي ماعرف شو أسوي لا تقولون إقري الكتاب الفلاني أو سوي هالشي مافي شي يفيدني وكل مره ترجع ريما لعادتها القديمة..والله إنقرصت كم مره وصارتلي جروح فقلبي من ورا هالشي وتحطمت..ساعات أدعي على كل الرياييل لان هم السبب في كل مشاكلنا..ياريتكم تدعولي بالهداية أبغي أهتدي وأنسى هالمشاعر الكريهة ال تخليني أذل نفسي وأتعلق بناس مب مهتمين فيني وفالنهايه بيضروني ورغم هالشي أشوف نفسي منقادة لا إراديا ورا هالعلاقات الغلط..استغفر الله ياربي أدعولي الله يتوب عليه من هالشي وأتركه أبغي ألتزم وأعيش بدون حد لين ما نصيبي يدق بابي.إدعولي يمكن وحدة منكم تدعيلي ويكون دعاها مستجاب أو تدعولي فساعة أجابة أن الله يخلصني من هالطبع الخايس وأفتك من عوار القلب والهم...وسامحوني

65 تعليق 4,716 مشاهدة

شاركي في النقاش

سجلي الدخول لإضافة تعليق.

التعليقات

62
  1. طيب في الف طريق وطريق للزواج ليه ما تكلمين خطابه تدور لك على الزوج الصالح لا تقول مابي مو عيب ولا حرام لو تدقين

    على خطابه تكون امينه وماتحكي ويصير الموضوع بهدوء بينك وبينها ويجي ويخطبك مثل الناس والعالم

    وبكذا راح تروح كل الاشياء الغلط الي تسوينها وان شاء الله ربي يرزقك الزوج الصالح الي يستر عليك

    وابي اقولك طريقه تنفعك ان شاء الله اذا جلستي لحالك ومسكتي التلفون عشان تكلمين حطي بين عيونك رب العباد وقولي لا انا مارح اتصل

    وابعدي التلفون عنك وقفليه واشتغلي نفسك بشي عشان تنسين التلفون انزلي عند اهلك ادخلي النت اشتغلي عليه وتفرجي على عالم حواء

    اطلعي لقرايبك ولا ترجعين الا متاخر عشان على طول على الفراش

    وحطي ببالك من ترك شي لله عوضه يعني اذا تركتي هالطريق ربي بيعوضك بزوج صالح ليه ما فكرت يمكن مافي احد يخطبك

    وانتي جميله ونسب يمكن عشانك بطريق خطأ عشان كذا ربي بعد عنك الزواج

    ارجعي لله واتركيه واذا كنتي بتكلمين اشغلي نفسك بشي يبعدك عن التلفون


    والله يبعد عنك الطريق الي تمشين فيه
  2. صاحبة الموضوع
    أختي ميس لامو..شكرا على الرد بس أنا ماعرف أي خطابه فمدينتي ولا شفت أو سمعت بحد منهم..بحاول أسوي الطريقة ال قلتيها إني أكون مع أهلي بس هم مب دايما موجودين أحيانا ينامون فوقت مبكر..الله يهديني يارب
  3. @hbh_alshok

    الله يعينك حتى بعد الزواج لو تزوجتي ماراح تتركين هذا الطريق لانك عودتي نفسك عليه ومن شب علا شي شاب عليه لان مافي الزواج الاحلام الورديه اللي بالمكالمات العاطفيه الله يساعدك ويهديك كزني لك علاقات وصديقات من عااااااالم حواء ترى يوسعون الصدر وبكذا تبعدين عن اللي انت فيه
  4. @om_farosi

    إلجــأي لله وحاولي تشغلين نفسك

    وحطي ببالك ان الشيطان عدوك وانك ماتتبعينه

تابعي تجارب أخرى من هذا القسم.