موقادرة أنام .. ساعدوني ارجوكم !!

السلام عليكم ورحمة الله وبركاته
انا صديقة نور*عيونه واستأذنتها بأني اكتب مشكلتي بأسمها راجية منكم انك تساعدوني وتشورون علي ..

يابنات انا تملكت من 6 شهور وخطيبي انسان رائع ومحترم وماشالله عليه مو مقصر معاي فشي ..

قبل فترة اشترى لنا انا وهو رقمين جوال يشبهون بعض
انا شغلت رقمي وهو قال انا مومحتاج اشغله يكيفي الرقم اللي عندي

وطبعا قالي شنو الرقم اللي خذاه حق نفسه .. ومرة واحنا نتكلم قالي انا يخليه عندي احتياط يمكن احتاجه ولا حد من هلي يحتاجه

اليوم وصلتني مسجات اشعار فواتير رقمي ورقمه (( هذي خدمة جديدة ماكانت قبل )) على رقم جوالي لانه بأسمه بعد
وانصدمت بأن فاتورته 660 ريال يعني قد فاتورتي علما بأني اتكلم وايد فالجوال
يعني شلون يشغل الرقم ومايقولي وهو لو يسوي شي بسيط يجي يقول انا سويت كذا وكذا
وليش فاتورته 660 وهو عنده رقم اساسي يكلمني منه ويكلم ربعه وهله ..

انا مو عارفة شلون اتصرف هو سافر اليوم وبيرجع بعد اسبوع .. وقبل شوي كلمني بس كان فالطريق ماقدرت اتكلم معاه ولا اصلا عارفه شسوي

اطنش واسكت واشوف كل شهر كم فاتورته ؟ ولا اواجهه واشوف ردة فعله ؟؟؟؟؟؟

ردوا علي الله يخليكم وقولولي شسوي وشلون اتصرف ؟؟ انا متلخبطة وموعارفة افكر صح