أحلى عبير .......... دموع الكويت .......... honey-lipes .......... nana balie .......... عاشقة الحب
بصراحه لساني عاجز عن شكركم وعن العبارات الحلوه اللي شرحت صدري ودمعت عيني لاني بالغربة مع زوجي على فكره انا بالحمل الاول الله رزقني بتوأم (( بنت + ولد )) والحمل الثاني الله رزقني بولد جدا جميل بس ربي أخذ امانته بعد الولاده ومات
والغريب انه في الحملين اللي طافوا اكدوا لي الاطباء اني ما احمل طبيعي ولازم سلسلة من الابر والعلاجات تستمر اشهر وبعدين يصير الحمل وبجرد التفكير بالحمل يزعجني والسبب آلام الابر والادوية ولكن ...
سبحان الله وبحمده سبحان الله العظيم شوفوا ربي هالمره رزقني وبدون علاج ولا ادوية فجأة انقطعت الدورة وانا من النوع اللي دورتي منتظمة وعلى الساعة مثل ما يقولون والحمد لله والحمد لله واللحمد لله بعد ما حللت طرت من الفرح وسجدت لربي شكر وعرفان على هالهدية الغاليه
شوفوا بنات العطاء اللاحدودي لرب العباد تدرون ان قبل التحليل بكم يوم صليت استخاره عشان ربي يرزقني بطفل بشكل طبيعي مثل كل الناس بدون هالتعب والابر الحمد لك يا رب العباد يا ارحم الراحمين
اكيد تعبتوا من القراءة بس تعرفون ايش سبب هالمقال الطويل العريض ؟؟؟؟؟؟
اولا : حبيت اقول لكم ان العبد لمن يصدق الله بقلبه ما راح يبخل عليه رب العباد بأي طلب مهما كان واثبت ربي لكل الدكاتره اللي قالوا لي اني ما راح احمل طبيعي بالدليل القاطع ان قدرته فوق الكل سبحانك ربي .
ثانيا : فضل صلاة الاستخاره تعرفون احس ان هالصلاة هبه من رب العباد لمن يصليها الانسان يحس براحه وانه رمى حمل صدره لرب العباد وحس بالطمأنينه تعرفون انا مره قرأت انك لمن تصلين 12 ركعه وفي آخر ركعتين وبعد التشهد تسجدين سجده واحده وانتي ساجده تقرئين (( الفاتحه 7 مرات ، آية الكرسي 7 مرات ، لا اله الا الله وحده لا شريك له له الملك وله الحمد يحي ويميت وهو على كل شيء قدير 10 مرات ثم تدعين اللهم اني اسألك بمقاعد العز من عرشك ومنتهى الرحمة من كتابك واسمك الاعظم وجدك الاعلى وكلماتك التامة ان ...... سلي حاجتكي ...... كل هذا وانتي ساجده وبعدين اعتدلي وسلمي
والله والله والله اني حاولت اني اطبقه بالحرف بس كنت اقرأ الفاتحة وآية الكرسي وما اقدر اكما واقوم واسلم ومره ثانيه وثالثة بس حسيت اني ربي معاي وحاسس بما في قلبي تصوروا خواتي رحمته لأي درجة سبحانك ربي
ثالثا : الحين من الناحية العلمية انا من قبل كان وزني كبير 125 كجم مما سبب لي تكيس على المبايض وبمجرد نزول وزني الحين 76 كجم راح التكيس وكل اللي على المبيض من دهون وشحوم حبيت اقول ان السمنه لها مضار كثيره حبيباتي حافظوا على الرشاقة والله يوفقكم ورددوا دائما (( اللهم خفف وزني في الدنيا وثقل موازيني في الآخرة )) ، (( لا اله الا انت سبحانك اني كنت من الظالمين ))
والحين حبيباتي لي طلب ولا تردوني :::
اللي عندها اي معلومه او حميه خاصة بالحمل تحطها هنا عشان الكل يستفيد
آسفه اذا طولت عليكم بس حبيت في الآخر اقول لكم (((( احبكم في الله )))) :27: :24:
انظمه غذااائيه للحامل او المرضعه او فى النفاااااس
متابعة النقاش، صفحة 17