**دليل السعرات الحرارية**دليللك الى الرشاقة والصحة الدائمة**

السلام عليكم ...

اختي ميران موضوك رررررررررررررااااااااااااااااائع :42:

وانا كنت محتاجته في هذا الوقت بالذات .....

بالنسبة لي قررت اتبع نظام غذائي 1000-1200 سعرة حرارية + ساعة مشي يوميا
وش رأيك ؟؟

:27::27:

الاخت الكريمة ميران،،،،،،،
يزاج الله الف خير على مجهودح المتواصل،،، ما شاء الله عليج سريعة وما توقعت انج بتردين علي في نفس اليوم،،، تبين الصدق ريحتي قلبي :09: بدرجة اني قمت آكل الايس كريم وانا اقرا ردج :p :23:،،، بالنسبة للشكولاته،،، انا جدا سعيدة انه بالامكان اكل لوح واحد على الاقل يوميا دون الحرمان بتاتا:o ،،، ما تتصورين كم فرحت لانه بالفعل يصيبني صداع يوميا وما يخوز الا على الشوكليت،،، كان بودي تقولين 100 جرام بس الحمدلله على كل حال 50 جرام احسن عن ماشي،،، وكذلك بالنسبة للايس كريم،،،من كلامج فهمت انه بالامكان اكله يوميا ولو بمقدار قليل،،، بس سؤالي هنيه يعني عادي لو كلت شوكليت وايس كريم يوميا مع باقي العناصر الغذائية بحيث ما اطلع عن 1200 سعرة حرارية،،، طماعة صح؟!! بس اتمنى انج تفرحيني مرة ثانية وتجاوبيني على ها السؤال واذا مب ممكن الله لا يقول باقتصر على الايس كريم لما له من فوائد سبق وان ذكرتيها،، وخصوصا الكالسيوم اللي دايما احرص على تناوله "الحليب اشربه بالغصب بس عشان الكالسيوم واحيانا آخذ الحبوب"،،،
عن الدايت كولا،،، اعتقد باني باستغني عنه:11:،،، تبين الصدق اول مرة اسمع انه اكذوبة:mad: ،،، بالرغم من انه يوصى به في معظم وصفات الرجيم خصوصا الرجيم الكيمائي،،،، وبالنسبة لعصير التوت اللي ذكرتيه،،، انا بدور عليه واكيد بحصله لان منتجات السعودية عندنا دايما،،، بس شو غيرة لاني ما بقدر اقتصر على نوع واحد،،، بس لاتقوليلي برتقال غير محلى لاني ما احبه،،، الجريب فروت وايد مر،،، شو عن الكابري سن وميلكو،،، اعتقد انها ابدا ما تناسب لاني احس كأني اشرب اصباغ بالسكر،،،، تبين الصدق بالنسبة لي وايد صعب اقتنع بعصير بس ممكن مثلا فيمتو او تانج خفيف وبدون سكر،،، او يمكن الكولا العادي اذا كان يحتوي على 90 سعرة حرارية مع اني ما اكمل الا ربعه بس وما اقدر اخلصه،،، بحاول طبعا اشرب الطازج مثل البرتقال والجزر والبطيخ او اليح بس بدون سكر،،،،

سمحيلي اخت ميران على الاطالة بس من قلبي افضفض من الوناسة الله يونسج دنيا وآخرة،،، وبكون على اتصال وتفاعل دائم بالموضوع،،،، شكرا جزيلا لج وللاخوات العزيزات،،،
:24: :24: :26: :26:

اخت ميران،،، تسلمين وايد على الرد وسامحيني اذا اسألتي مب طايعة تخلص،،،
بالنسبة لنصايحج بحاول اتبعها،،، ومثل ما قلتي المفروض اني ما آخذ راحتى في اكل الحلويات،،،
اول شي بغيت بس اقولج انه الموقع المرفق بالنسبة لمعرفة كمية السعرات المحروقة خلال الرياضة ما يطلع عندي،، اقصد بس الجدول الموجود تحت اما بالباقي فهو قابل لإظهار النتيجة،،،، وبخصوص هذا الجدول سمحيلي عزيزتي وايد اذا سؤالي شوي "غبي" بس مضطرة اسأل لاني سألت كذا وحدة من معارفي والاجابة كانت "ما عندي فكرة" سؤالي ما هو الميل؟ يعني كم مسافته؟ والكيلو ايضا بس بغيت اعرف مسافته بالضبط،،، اسمحيلي على ها السؤال الغريب وان دل على شي فهو يدل على الجهل "الله يكفينا شره" لكن ها المعلومة يجهلها الكثيرون وحبيت اني استفيد،،،
وكذلك بالنسبة للموقع الاخير اللي ادرجتيه بعد ما يفتح "بخصوص رياضة المشي"،،، ما ادري هل هو من عندي او انه من عندج،،،
سؤالي الثاني،،، انا صارلي شهر تقريبا امشي نص ساعة كل يوم وترك وانا طبيعتي امل من المشي وايد عشان جيه امشي شويه لاني ما ابغي امل وبالتالي اوقف بالمرة،،، ادري انه مشيي قليل بس على الاقل ياب نتيجة،،، خفيت ثلاث كيلوات مع تخفيف الاكل في هذا الشهر،،، السؤال هنيه يمكن ما يكون عندج فكرة عنه بس سبحان الله يمكن لج دراية او اي وحدة من الاخوات،،، انا الله يسلمج وقفت عن المشي من فترة اسبوعين لاني ناوية احمل وما ابغي اي شي يعيق ها المسأله خصوصا انه اسمع ان الحرمة المفروض ما تتحرك وايد اول ثلاث شهور لان الجنين ممكن يكون عرضة للسقوط،،، وكل حد يحذرني من المشي في هذه الفترة،،، وانا ما اهتم بأشي بقدر اهتمامي بالحمل بس بعد احس اني ما ابغي اودر المشي ومب عارفة يجوز امشي والا لا،،،انا بس ابغي اتأكد من هاي النقطة و ياريت وحدة تساعدني في معرفة ها النقطة وتكون متأكدة منها،،، لاني ما ابغي ارجع واكسب وزن وفي نفس الوقت بالي في الحمل،،،،

شكرا جزيلا ولنا عودة

مشكورة ويعطيج الف عااااااافيه:26: