ايهما افضل للطفل مدارس اجنبيه(انترناشونال)ام مدارس عربيه خاصه؟ام مدارس حكوميه؟؟؟؟؟

الركيزة على البيت ولدي عالمي في الروضة والتمهيدي والحين خاص مافي في مكة عالمي لكني قاعدة اراجع له القران ولانقلش والله يوفقنا على فكرة الانقلش مو لغة عدونا هولغة العصر والتقدم ولازم نعرفه اليوم كان الدكتور والشيخ سلمان العودة يقول للمذيع لازم تاخذ دورة فيه قاله المذيع انا وانت

صراحه موضوع استفدت منه كثير ..
واخذت قراري من ردودكم ..
بدخل بنتي الروضه والتمهيدي بالانترناشيونال ..
وبعدها اخذها على مدارس اهليه مكس تجمع النظامين الوزارة والانترناشيونال ..
والقرآن بعلمها من قبل لاتدخل الروضه ..
لاني الحمدلله اعرف كل الاساسيات بالقرآن ..

وش رايكم في قراري ؟ ينفع ؟

حلو...

والله صادقه في كل كلمه كتبتيها
انا معلمة انجلش لكن احرص على تعليم ولدي اوبنتي الدين قبل اللغه
خليك على المدارس الخاصه ولو ان بعض المدارس تأسيسهم خطأ
يوصل الطالب المتوسط مايعرف يكتب او يقرأ جمله صحيحه
لكن انتي أسألي عن افضل المدارس

تجربة شخصية مو سمعت من احد او شفت جارتي او سلفتي

اولادي في مدارس عالمية ومع ذلك قرائتهم سريعة وما عندهم اخطاء إملائية

وماهو عشان المدرسة تدرسهم نظام الوزارة بجانب تعليهم الاجنبي لا لكن الأم دورها تشوف النقص في اولادها تحاول دايم تحسنهو انا خفت يضعف لغتهم العربية بالتالي سويت بعض الخطوات الي ساعدتني في تلافي المشكلة

يعني مثلا إنتي تطبخين جيبي اولادك على الطاولة ومليهم قصيده او قصة انتي حافضتها واخر اليوم صححيها او اذا انتي تناظرين التلفزيون خليهم يتسابقون في قراءة الترجمة في البرامج الأجنبية

في السيارة عوديهم قراءة اللوحات الي يقراها صح يختار المكان الي نروح له او الملاهي الي يبيها

جيبي لهم موسوعات لانها غنية بالمعلومات وتشدهم في القرأة او كتب المعلومات العامة اذا المعلومات الدينية فالمدارس العالمية تعطي توحيد وفقة منهج وزاري بالضبط انتي ممكن تضيفين معلومات اثناء حديثك معهم اثريهم بالمعلومات الدينة او الاحكام ناديهم يتفرجون معك برامج دينية تناقشي معهم ولاتقولين مالهم خلق او مايفهمون
بالعكس احيانا يفحموني بالاسئلة والنقاش اقول انا في سنهم ماكنت افكر زيهم بس الزمن تغير

اهم شي حذريهم انهم يخلطون الكلام العربي بالاجنبي يعني نوع من "التفاخر "لان لكل مقام مقال

هذا الي متذكرته بس يعني عمري ماحسيت ان دراستهم في المدارس العالمية اثرت على لغتهم او عقائدهم ابداا ابداا

بتات البته:mad: