تسهيل الشغل في رمضان / متجدد شاركينا

اختي عشتار الأقماع انواع المهم تاخذينها طازجة وعجينتها ممتازة وتصفينها بعلبه تحفظها ما يخرب شكلها

واذا احتجتيها بس طلعيها تلين وحشيها وقبل التقديم حطيها بالميكرويف وغلفيها وبالعافيه

ماشاء الله عليكم والله افكر متى ابدا في التفريز افكر في كل اللي قلتوه باذن الله ناويه على التالي:
اقطع لحم صغار ودجاج صغار واغسله واكيسه للشربه
اسوي كشنه بطماطم واعلبها وطبعا كل اسبوع لازم ارجع اسوي كشنه ثانيه لانها تستهلك بسرعة ما شاء الله
اقطع خبز صغار للفتوش واكيسه بدون قلي طبعا
اسوي صواني صغيره ورق عنب وملفوف
طبعا سمبوسه بالرقايق الجاهزة وبالعجينه البيتي بكل الحشوات
بسكوت مطحون ومكسرات مطحونة للحلويات
ملوخية مفرومة وبامية مقمعه بس باقي الخضار ماحب اقطعها احسها تسود
وطبعا فيه تفريز يومي يعني ممكن يوم ما اطبخ شربة اخلي جزء منها في الفريزر لليوم الثاني ويوم اسوي برست اخلي جزء منه في الفريزر بدون قلي للمرة الجايه بس يعني مو كميات وسلامتكم

الله يهله علينا بالامن والايمان وطاعه الرحمن ،والله اخر همي اني الفلف ووافرزن ، رمضان مو للاكل وبس ومايحتاج يكون الفطور بوفيه يكفي صنف حالي وصنف مالح مع شوربه تكفي ثلاث ايام

مشكورين على هالموضوع الرااااائع بس عندى استفسار شو هي الكشنة؟؟؟؟
وثانى شي وهذا السؤال الاهم ....اذا مثلا حمسست بصل وكميه كبيرة بيصير اطلع منها جزء وارجع الباقي ولا مايصيرارجعه مرة ثانية ؟؟
وهل اصلا البصل يعمل ثلج فوقه لما يجمد؟