الي ساكنه مع حمولتها تجي

انا عن نفسي عادي بس هم اخاف لا يبون اكله دسمه ياربي

انا ارعي ذوق البنات وكمان الشياااب وخااايفه اتووهق الان النقطه الي واقفه لي سكني مع الحموله خااايفه اتووهق اوافق ولا لا

اذا فيه اماكنيه لاتسكنين معهم
انا مع حموله وبما اني موظفه فعلي العشاء من قراده الحظ
لان الغداء معروف رز وبس
العشاء يشيب راسي من كثر ما افكر وش اصلح واحيانا والله احط جدول اسبوعي واشيل الهم من اقوم الصبح
حنا حموله كبيره ناس تبي رز وناس عندها ضغط وسكر ومايبون مقالي ولا صياني فيها قشطه وجبن وناس ماتحب البطاطس يدخل مع الاكل والبنات لهم مزاج خاص بالاكل
لازم اصلح مالا يقل عن 4 اصناف ياليوم يالله يكفيهم ماشاء الله

الغاليه توكلي على الله والسكن مع الحموله جمعه ولمه وتعاون بس لازم يكون لك شقه مستقله اقصد بنفس البيت يعني يكون لك خصوصيتك يكون لك مطبخ ومجلس وغرفة نومك وتكرمون دورة مياه


شوفي ياقلبي انا الحمدالله بيكون لي جناح بس مايشمله مطبخ يعني بوفيه صغير والطبخ والنفخ تحت عندهم-

وفي نفس الوقت الاكل والقهاوي واللمه والسهرات مع بعض انتي وحمولتك طبعا هذا ردي على الاخت الي قالت لا تسكنين معهم اذا امكن!!!!!!!
الحمدالله انا احب الجمعه واللمه يعني متقبله الشي هذا بس الي مو متقبلته سالفة العشيات الي مدري اذا جاء يومي وش بسوي طبعا فيهم ثلاث حريم عيالهم ثنتين بيطلعون بيبقى وحده ماتشيل المنديل من قدامها وماتطبخ ولا تسوي شي والكل يحكي فيها مابي اصير زيها بس بنفس الوقت ماودي كل شي يصير علي الله يعين بس-

المهم يالغاليه مادمتم حموله كبيره اكيد فيها بنات او حريم عيال غيرك وكل يوم على وحده حنا عندنا كذا كل يوم على وحده والموظفه تسوي العشاء في يومها ويكون عليها يوم الخميس من كل اسبوع او يوم الجمعه تشيله كامل يعني لا تخافين من الجمعه بإذن الله خيير
يارب الله يكتب الي فيه خير

اما العشاء فالمنتدى ماشاء الله مليان اشكال والوان من الاكلات والصواني اختاري الي تبين وبعدين حاولي تسألينهم بطريقه غير مباشره عن الاكل الي يسوونه عادة على العشاء وسوي نفس
كوويس والحلو انهم قرايبنا يعني

اتمنى لك التوفيق غاليتي

الله يوفقك ياعسل وشاكره مرورك