السلام عليكم ورحمة الله وبركاته
اليوم 24 أغسطس 2009
اكمل عامين على التحوير وهو الي اعتبره يوم ميلادي الجديد
اتقدم بجزيل الشكر والعرفان للدكتور الغالي الي غير حياتي للافضل الدكتور سلطان التمياط
الله يوفقه ويسعده وين مايكون
وطوول هالسنتين حبيت الميزان
صار صديقي الصدوووق عقب ماكان عدوي اللدووود خخخ
من اصعد اضحك لان وزني عاجبني عكس قبل اكنش واعصب منه
والحمدلله تغيرت حياتي 180 درجه للأحسن
من جميع النواحي
الصحه الحمدلله صحتي احسن من قبل
ارتحت من الدهون والكلسترول والربو
والمشي امشي براحه وبدوون تعب وصعوبه في التنفس
اللبس آآآآآآآآآآآآآه على وقت مضى بالحرمان من الملابس ابجي عليه
الحمدلله
تحولت حياتي من اكبر المقاسات لي اصغرها
وكل شي خاطري فيه اقدر ألبسه
والكل يمدح جسمي ولبسي عكس اعوااام مضت بالتخمه والشحم واللحم <<< حشى هرفي او نعيمي خخخخخ
والكل من يجووفني مايعرفني
والي يقووولي صغرتي
وحتى بالدوام الحمدلله صرت مانحرج من جسمي مع اني البس عبايه في الدوام بس فرق بين المقاسات والاحجام اذا زاروونا ضيووف اتهرب اني استقبلهم انحرج امشي معاهم الحمدلله صرت امشي بثقه وراحه معاهم
مره انا وزووجي نشووف صور قديمه يقوولي ماعرفج نسيت انج دبه
اخوي كان يسميني هامر H3
ألحين يقوول صرتي ميني كوبر او اصغر
بس بيني وبينكم في الفتره الاخيره اهملت الفيتامينات
وبارجع لها وبقوة ان شاء الله
والحمدلله اخر تحاليل سويتها كانت زينه بس فيتامين ب 12 نازل وطقيت ابر وان شاء الله ارتفع
الرياضه امارسها لكن مب متواصله
والحبيب الدامبينغ ليلحين يزوورني وياحبني له هو الي يأدبني عن الخربطه
الترهل موجوود لكن مب وااااايد يعني اتقبله بس يحتاج عمليه لكني خايفه من الألم ومتردده
وهذي اخباري في سنتين التحوير الي حبيتهم
وحاضره لأي استفسار او سؤال