~ أي مشكله تربويه خاصه بطفلك أنا حاظره مع الحل ~

في البدايه ابغا ابدأ اشرحلك عن وضع البنت الثانيه اللي هي العدوانيه
الأسباب اللي تؤدي بالطفل للعدوانيه المختلفة الدرجات كثيره واهمها
1-الإضطراب النفسي اللي ينتج من احساس الطفل بعدم الحريه او الضبط المبالغ فيه خصوصاً في اوقات لعبه
وهذا حله انكم تتركون لها مساحات تبدع فيها وتخرج الطاقه كلها فيها مثلاً الرسم على الجدران بعد تغطيتها الى مستوى طول الطفل بالورق وانكم تعطوها الحريه تشخبط وتلعب
2- الشعور بالذنب او بالنقص او يشعر الطفل انه مو متفوق دراسياً بما يكفي علشان ابوه وامه يحبونه عادة يلجأ للعنف وخصوصاً ضد الأطفال اللي يشوف فيه هذي الميزات
وحل ذي المشكله انه يمتدح الطفل على حسن سلوكه ويعاقب بدون ضرب او صراخ عليه لين يعتذر عن السلوك السيء اللي صدر منه ...

3- القسوه الزايده من الأب او الأم تؤدي الى العنف الصادر من الأولاد
زي ما قلت لازم تعطي الأطفال فرصه يعبرون عن انفسهم آرائهم بأي طريقه بالرسم بالكلام باللعب ... الخ
وتتابع الأم او الأب مجهوداتهم وتمدحهم

4- طبعاً التلفزيون والبرامج اللي تشجع على العدوانيه
الحل لها البعد التام عنها ..

العاب التركيب والقص والتلصيق من المجلات القديمه تحت الإشراف طبعاً ياخذ من طاقات الأولاد ويخلوهم يعبروا عن نفسهم ويبتعدون عن العدوانيه اللي منشأها اساساً الكبت الإبداعي او النفسي

لازم الأب يكرر للكل انهم مميزين بدون استثناءات
واكبر خطأ معاقبة طفل قدام الأطفال سواءاً كانوا اخوانه او غيرهم لأن هذا ينمي فيه روح العدوانيه ضدهم

حاولوا معاها كلهم وكلموها بالهداوه وصيروا اصحاب لأن الضغط على الطفل العنيف يزيده عناد


اما الأولى واللي تكذب كثير .. مشكلتها بسيطه
مجرد اذا حسيتي انها تكذب ابتسمي بوجهها وقولي لها ( بس مو قدام احد) انك عارفه انها تكذب
ومره على مره رح تكتشف انه كذبها ما منه فايده وتبطل

يعافيك يارب :)

جزاك الله خيرر
بس تعرفي المشكله في اهلها مو فيها
زي انتي ماقلتي دايم صراخ وهواش وضرب على الفاضي والمليان لانها حركاتها زايده وماتقدر تجلس بمكان واحد
وكثيرة كلام زي الراديو واخص علشان كذا اهلها مايتحملوها كثير زي اخوانها ودايم يعاقبوها غير عن اخوانها
طيب ممكن تكتبين لي اسماء العاب او شركات اشتريلها لاني فعلا لاحظ هذه الالعاب الي تقولين عنها تخليها هادءه وساكته
وتجلس تلعب لانها ماتحب التلفزيون
وكمان قال له الدكتور لازم تشغلها بالعمل واللعب وكذا ماتخليها جالسه فاضيه لانه عقلها ماراح يشتغل
هيه شوي متاخره بالدراسه والكلام وهيه للاسف المفروض تكون ثالث بس هيه الان اولى
وطالعه ثانيه ابتدائي بس ماشاء الله تحفظ وتحب دروسها بس مشكلتها ماتجلس ابدا بس مسكينها لعبه او قران تجلس بس كلامها كثيررررر
ابي لعبه تشغلها وتنمي عقلها راح احاول اشتريها لها

الله يجزاك الجنة
انا بنتي عمرها ستة ونص عصبية وانطوائية ماتلعب مع احد غريب واول في الروضة ماتلعب مع احد اشلون اخليها تصير اجتماعية يعني هل ممكن تتغير انا دائم احاول اقول لها انتي حلوة انتي ماتستحين يعني احاول بالايحاء انها تسمع المدح وتتبرمج علية ساعدني الله يخليك اشلون تصير اجتماعية والله لادعليلك طول عمري ايش الكلمات اللي اقولها لها علشان تزيد ثقتها في نفسها وربي ابغى اشوفها مثل بنات خواتي على طول ماشاء الله يندمجون مع اي اطفال الا هي