تعبتي من السعي ورا الرشاقة ؟ ليش ما تخلين الرشاقة إهي اللي تسعى لج ؟ دخلي و شوفي

هدفي انقص خمسة كيلو عشان يتناسق جسمي وارد مثل اول واحلى

يعني هدفج من انقاص الوزن هو الثقة بالنفس بشكل أساسي :)
شاكرة لج مشاركتج .. تابعينا عشان تشوفين واجب الاسبوع الثالث يوم الأثنين ان شاء الله :)

اهلين ياحلا بنات بكل المنتدى
انا لي اهداف كثيره من انقاص وزني اولا ارضاء الله عز وجل لان ديننا الحنيف وصانا بالاعتدال بالطعام وينبذ الاسراف
ثانيا عشان ابي اعيش بشكل طبيعي حالي حال البنات واتمتع بجسم رشيق ومتناسق وبيصير هالشي باذن الله

تصدقون بنات اول مره بحياتي كلها اسوي ريجيم وما احس اني داخله معركه او متضايقه
احس اني فرحاااانه ومستانسه وودي اعيش العمر كله هاللحظات لاني تقبل ذاتي وحبيت جسمي ورغم ان مشوااااري طويل لاني حاططه ببالي باذن الله انزل سبعين كيلو
لكن اول مره بحياتي احس اني انسانه لما قريت كلام الاخت دوديا...

اللحين شربت علبة ماي

ومشيت على السير ربع ساعة على سرعة 6 لأني ماكثرت اكل
واحس اني خفيييييييييييييييييييييييييييفة
وشوي اروح اسوي بخار واخفففف اكثررررررررررررررررررررررررررررررررررررر وانتعش

لأن جسمي سررررررر جااااااااااذبيتي

و هذا بالضبط اللي أبي أوصل له :)
لما تكونين مرتاحة مع نفسج و متصادقة معاها راح تشتغلون كوحدة واحدة ..
مثل لما يكون في شخصين قاعدين يشتغلون على مشروع معين .. لما الاثنين يكونون كارهين بعض و مو طايقين بعض لو شنو يسوون عمرهم ما راح ينجزون شي .. بس لما يكونون الأثنين متصافين و متصادقين و هدفهم واحد يقدرون يسوون المستحيلات :)
لما تتقبلين جسمج و تحبينه و تبينين له إنج خايفة عليه جسمج راح يتجاوب معاج و راح يبدي يكلمج و يقول لج عن احتياجاته .. بس هالشي يبيله وقت لين ترجع الثقة بينكم عرفتي ؟؟ الشغلة يبيلها تدريب مو اسبوع و لا اسبوعين .. أقل شي لازم تظلين 3 شهور تحاولين كثر ما تقدرين إنج تبرمجين مخج إنج تسمعين جسمج مو كلام الناس ..
و أنا فرحانة جدا إني قاعدة أشوف النتيجة ظهرت بسرعة لأن هذا الشعور اللي أبيه يكون فيج طول فترة الدايت و لين توصلين وزنج اللي تبينه و حتى بعد ما توصلينه :)استمري جذي و راح تشوفين العجب و الله و عن تجربة شخصية مني بعد :D

هدفج من نقص الوزن هو الصحة و الثقة بالنفس .. و مشكورة على المشاركة يوم الأثنين الياي راح أطرح الواجب الثالث :)