طريق الامل ( خبرات متبادلة حول مراكز العقم فى مصر ) الجزء السادس

اخواتي ام انس وفاطمة و اوكسي. ربنا يخليكم, انا نزل عليا من 10 ايام نقتطين دم و ساعتها رحت للدكتور و زودلي جرعة المثبت. قبلها بيوم اللي يوافق الخميس حصل جماع و حصل الثلاثاء كمان. ماما قالتلي ان احتمال كبير ان يكون ده السبب و قالتلي ان اختي كذا مرة حصلها كده في حملها بسبب الجماع.
انا كلمت المستشفي و الحمد لله الدكتور كان هناك بيعمل عملية و كلمتني المساعدة بتاعته و حكيتلها و قالتله و قالها اخد حقنة مثبتة و اتابع معاه فحكلمه ان شاء الله بعد الفطار. الحمد لله دلوقتي مافيش حاجة. ادعولي ان ربنا يثبته.

اوكسي ربنا يوفقك ان شاء الله
بوبا: انا عندي اقتراح ما تنزلي المصحف علي الكمبيوتر و تقريه من عليه

ميكو ....
حبيبتى الف سلامه عليكى مش قلنا يا بنتى نرتاح شويه .. الراحه دى شامله طبعا الراحه الزوجية فاهمانى..
مفيش داعى يحصل حاجه اليومين دول احنا بنلصم نفسنا يا بنتى ..
وتابعى مع دكتورك باستمرار وروحى اعملى سونار علشان تطمنى على وضع البيبى وان شاء الله كل دى حاجات بتحصل اول الحمل وبعد كده يكمل الحمل على خير ما تقلقيش ..
بس ارجوكى مش هقول لك تانى الراحه مهمه اوى اوى اوى اوى ..

بوبــــا ..
حبيبتى انتى حرة طبعا فى اختيارك بس انا كنت بقول ده علشان رمضان ما يضيعش مننا ونقدر نختمه مرة واتنين واسبوع بيريود ممكن يفرق معانا اكيد .. لكن فكرتك دى هايله .. ومش هتصدقى بجد انا وانتى فكرنا فيها فى نفس الوقت .. وده اسهل بكتير من انى البس جوانتى وامسك المصحف .. الافكار عند بعضيها يا قمر .. وزى ما ميكو قالت فعلا فى مصاحف مقروءة ممكن تنزليها على الكمبيوتر وتقرأى منها .. والله الموفق

ام انس ..حبيبتى
يا فاهمنى انت يا قارينى .. تلميذتك يا جميل .. انتى كمان مشاركاتك قليله وبترجعى لنا بمشاركات مميزة ..
بس على فكرة انا بقول على نفسى رغاية اوى .. كويس انك قلتى انى بقول ما قل ودل علشان كنت قربت اخد فكرة وحشة عن نفسى ..
وغيابى ده طبعا مش بخاطرى .. ده بسبب السحلية اللى انا مخلفاها ده مبيخلينيش الاقى وقت خالص ..
كنت بلاقى فى الاول وقت بس الظاهر اتحسدت يابنتى
بس تعالى قولى لى مين التامن اللى كان حامل وسقط منى ده .. معقول نسيت حد ؟؟
ولا ده من الناس اللى حملت وما بشرتناش

كوكـــــــــــــر ..
حمدالله على سلامتك يا جميييييييييييل .. نورتى يا قلبى بيتك .. كنا قلقانين عليكى وكان نفسنا نطمئن عليكى
مين ده اللى قال لك اسبوع ليل واسبوع نهار .. خدعوك فقالوا يا بنتى والله
دى اكبر كذبة اتقالت لى قبل الولادة وصدقتها يا بنتى بعد ما ولدت .. بس وحياتك بعد كده ولا شفت ليل ولا نهار
شفت النجوم فى عز الظهر بس

وبصى بقه مينفعش تعتمدى على حد يساعدك فى رعاية كراميلا .. علشان هتتعبى جامد بعدين .. شويه شويه حاولى تعتمدى على نفسك فى كل حاجه بالتدريج .. وخلى بالك من الجرح كويس اوى .. الجرح فعلا متعب شويه بس هتبقى زى الفل بعون الله ..
واهم حاجه انك تشربى سوايل .. ده اهم من الاكل علشان تعرفى ترضعى كويس .. ولان السوايل هى اللى بتدر اللبن .. وربنا يعينك ويقويكى يا حبيبتى ..

حبيبتى ام كريم الف حمد الله عالسلامة