السلام عليكم ورحمة الله وبركاته
كيف حالكم خواتي...انا LforLove...من الامارات...وحبيت منتدى عالم حواء واااايد
واستفدت من الاخواات واااايد وااايد بالفعل...
انا بعد زواجي كل شي كان اوكي...تنظيف واهتمام وكل شي...
على فكرة...انا عايشة مع اهل زوجي في ملحق عبارة عن غرفة وحمام فقط والحمدلله..<<<الله يعطينا
والغرفة واااسعة والحمام واااسع والحمدلله
بعد ما انجبت اول طفل فديييته بدا الشغل يزيد علي...بدت الغرفة تضييق اغراض كل مكان سواء اغراض ولدي او اغراضي والالعاب....وزوجي جزاه الله خير...يشتري لعب كثيرة..ومافي مكان نحط فيها الالعاب...
اوكي..ولدي عمره اربع شهور تقريبا وحملت على طووول...يعني تعب الحمل مع الاهتمام بالطفل مع الاهتمام بزوجي مع التنظيف والطبخ....هذا شي طبيعي وكل ربة بيت عندها مثل هذا الشغل واكثر ...صح؟
الحمدلله انجبت طفلتي الثانية...والحين عمرها 6 شهور <<< العمر كله ^_^ لكنها متعلقة فيني بدرجة كبيييرة جدا لانها بصغرها تعبت وااايد وكنت مجبورة اشيلها وما اغفل عنها...
احيانا اضطر اني اشيلها واغسل ماعون معين أو اشيلها واغسل الملابس...والله ما خلييييت وسيلة ما استخدمتها عشان ارتاح ... وهي ما تجلس عند احد...لا عند ام زوجي ولا عند خواته ولا حتى عند اي شخص من اهلي
بس تبيني انا وبس
المشكلة الكبيرة هي....انا انسانة غيييير مرتبة غييييير نشيطة صرت كسووولة جدا... :44: والله ما قمت اهتم بنفسي شخصيا ابدا ابدا.... :(
وطلبي ارجوووكم ساعدوني....ابغي نظااااام أو جدول اتبعه لكل هذا الشغل...
يعني مثلا متى اقوم الصبح..ومتى اخلص الشغلة الفلانية...متى اخصص وقت لنفسي
خاااااطري اسير الصالون اتعدل لزوجي ولو مرة وحدة...خاطري اسوي حمام مغربي فالبيت ولو مرة وحدة
خااااطري ابهر زوجي...والله صار عصبي جدا جدا بسبب اهمالي الشديد...لازم يكون بيننا زعل بسبب اهمالي
والله كرهت نفسي....ارجوووكم ساعدوني....
جزاكم الله كل خيــــــــــــــــــــر...
شاركي في النقاش
سجلي الدخول لإضافة تعليق.
التعليقات
19- اشبك ياعمري لا تتضايقي ولا شئ احنا برمضان الخير:) دائما تذكري اية انجزتى وزمان كيف كنت نشيطة وخذى حماس وانسي المشاكل الدنيا ما تستاهل
- اعانك الله يبغالك جرعات من النشاط وان شاء الله تقدري تعملي كل شيء
بس يبغالك ترتبي افكارك خذي ورقة وقلم واكتبي الاشياء اللي تبغي تنجزيها
وجزئي كل شيء لاتفكري بانك تخلصي كل شيء في وقت واحد
ماراح تعملي شيء اذا فكرتي بالطريقة هذي
وبيني وبينك طنشي الشغل يوم وروحي ظبطي نفسك وغيري الاستايل بتاعك لزوجك اهم
اذا كان زوجك سعيد راح تنجزين كل شيء وتتغير نفسيتك :wink2:
الله يكون بعونك - اختي اول شي بما ان غرفه نومكم كبيره
افصلي غرفه نومكم بحاجز خشب او المنيوم ماراح يكلفك كثير وخليها بسيطه تشيل الاطفال اذا ناموا وخلي فيها ارفف في الجدران تشيل الالعاب واغراضهم ومش مهم اذا مارضوا يناموا لحالهم بس اهم شي رتبتي المكان شوي
بكذا راح ترتاح نفسيتك وهذا اهم شي
ثاني شي اول ماتصحين خصصي كل يوم شي تعتنين فيه
يعني يوم لشعرك يوم لجسمك يوم لملابسك
قبل ماتبدين بالشغل
ثالث شي قبل مايجي زوجك من العمل بساعه خلصي كل شي في يدك واعطي عيالك ام زوجك او اي احد حتى لو صاحوا
كم يوم وبعدين راح يتعودون
في هذا الاثناء رتبي نفسك وحطي مكياج خفيف والبسي حلو وجهزي الفاكهة والشاي او العصير
هذي اهم ثلاث اشياء لازم تسويها وراح ترتاحين ان شاء الله
اتمنى اني افدتك
ادعي لي بالمغفره والعافية والرزق والذرية الصالحه - والله هذي ثالث مرة اضيف الرد وينمسح عني -_- حظي نحس هههههه
Loooly
ميموووو
لون حياتك
ام احمد
تسلمووووون جميعا على ردكم..
ان شاء الله انفذ اللي قلتولي عليه...جزاكم الله خير
ام احمد...الله يغفر لج ويمدج بالصحة والعافية ويرزقج الذرية الصالحة آميــــــــــــــن
مواضيع مشابهة
تابعي تجارب أخرى من هذا القسم.