فدديت قلوبكن ........... الي ما عندها شغاله تدخل

السلام عليكم ورحمة الله
كيف حال الغاليات
بصراحه يا اخواااااتي ابيكن في موضوع مهم جدا
انا الصراحه اخواتي ما اريد اجيب شغاله من كثر ما لاعت كبدي ومن كثر ما عورني قلبي من مشاكلهن
بس المشكله لعيال يبالهم ميت شغاله وزوجي يبي البيت يلمع
ياليت تتدبروني والي ما عندها شغاله تخبرني كيف منظمه وقتها
والله ثم والله ما اريد شغاله ما من وراهن الا البلاوي الله يحمينا منهن ومن شرهن
دخييييييييلكن اقنعوني عن اجيب شغاله
وسامحوني طولت عليكن
والله يجزيكن الخير :3_2_8v:

56 تعليق 13,861 مشاهدة

شاركي في النقاش

سجلي الدخول لإضافة تعليق.

التعليقات

55
  1. @gn_bdr

    الله يكون بعونك ( وعلى فكره الشغاله ليست مهمه في كل الاحيان بالذات عند النساء الي يعرفن كيف يتصرفن وإذا أنتي قاعده في البيت اكيد تعرفين تدبرين أمورك لكن قولي متعوده عليها صح ( شوفي يأختي العزيزه والله عند مدرسة زميلتي بالمدرسة عنده أطفال وعندها أكبار وتداوم في الصباح وتجي الظهر وتسوي الغداء وتشتغل بالبيت لأن زوجها ما يحب الشغالات وقت الصباح تقوم عيالها الصغار وتدوديهم عند أمهم وقت الظهر تجيبهم زمثل ماقلت تبدأ وتطبخ وكليوم في المدرسة لاز م تجيب طبق حــلا أوطبخة (شوفي هذي موظفة ودارت أمور بيتها وأنتي جالسة بالبيت منتي عارفة منغير شغاله لكن الإعتماد عليها في كل الامور صــــــح : الله يسهل أمرك
  2. @saaodyh_oaftkhr

    انتي عكسي انا لي فتره ترادوني فكره اني اجيبهاا عندي بنت وحده بس وماشالله عن عشره اطفال من الشقاوووه
    وهالشئ يختلف من حرمه لحرمه بعضهم ماشالله عليهم سنعاات وعن عشر شغالات
    وبعضهم <<< مثل حالاتي لو يطيح الريموت من يدي ابي من يجيبه لي ههههههههههههه
    <<< زوووووووووله
    اذا انتي ماتحبين الشغالات رتبي وقتك حسب شغلك الاهم فالمهم
    <<<<<< علمي نفسك هههههههههههههههههههههه
  3. @mama_albnat

    مسالة الشغالة
    غير واردة عندنا الا للي عنده مرتب ممتاز
    اذا استعين واحدة مرة في الاسبوعين لعملية تنظيف كاملة
    وباقي الايام اعكز على قد ما اقدر
    مع الشغل والبنات ماشية الامور
    لحسن الحظ زوجي ما هو كثير متطلب من ها الناحية
    لا اخفيكم اني ماني مموتة نفسي في شغل البيت
    الضروري الضروري وانشاالله بوصل
  4. @am_alktakyt_1






    صبااااااااااااااح الخيراااااااااات
    يا احللللللللللى مدامااااااااااااات

    شوفي حبيبتي انا نفس حالتك ماعندي شغاله وبصراااحه ما احب شغل البيت بس مجبوووره زوجي ما يحب الشغالات ..

    جدولي اليومي ..

    اصحى اذان الفجر .. واحيانا ما انام اكون صاحيه ..

    المهم اكوي ثوب لولدي وزوجي

    واسويلهم فطور واصحيهم

    يلبسون ويفطرون ويتوكلون على الله ..

    وانا اشيل صحون الفطور واغسلهم بسرعه ..كلهم صحنين جبنه وزيتون ولبن خخخخخخخخخخ واخلي برادي الشاهي عندي واقااابل النت

    بعد كذا
    احيانا افصل واخذلي غفوه لحد الظهر واحيانا لاااا

    الظهر اسوي الغداء ونتغدى واغسل المواعين <<< لاحظي اهم شي المواعين اغسلها اول باول وباقي الأشياء ماهي مشكله :D

    بعدين اراجع لولدي دروسه " ساعه تقريبا " وارجع للنت ويكون ابو الشباب نايم

    اذا طفشت من النت اخذلي جوله على البيت ..اكنسه واغسل الحمام "الله يعزكم"

    واذا عندي ملابس ارميها بالغساله

    وارجع للنت ثاني..

    بصراحه انا حياتي مهي منظمه بس ماشي الحال ..
    وماعندي مشكله بشغل البيت الا الكوي :icon33: :icon33: :icon33: :icon33: :icon33: :icon33:

    اكررررررررررره الكوي من كل قلبي

    وهو الشي الوحيد اللي يتراكم عندي

    وباقي الأشياءء ماشي الحال .. خاصه ان شقتي صغيره ماتحتاج مجهود كبير..

    عموما انا وحده مزاجيه يعني يوم تطق براسي اخلي البيت يلمع واياااام اتكاسل

    وهذا شي طبيعي <<<<<< احلفي خخخخخخخخخ

    الزبده اهم شي عندي المواعين والملابس ما اخليهم يتراكموون اغسلهم اول باول ..

    يعني غسالتي داااااااايما مشغله ومهو بكيفي لأن كتاكيتي الله يصلحهم يحبون يسوون اجواء ممطره بالحمام خخخخخخخخخخخ

    ودايم يرشون مويا على سلة الملابس عشان كذا اغسلها اول باول لأني لو ماغسلتها علوووم :01:

    الله يعينك ياقلبي ويثيبك وانتي اهم حاجه لاتراكمين الشغل وترى اهم شي الملابس والمواعين وباقي الأشياء بسرررعه تخلص

    ايوه تذكرت شي مهههههههههههههم

    اي حاجه ماتحتاجينها بالبيت وديها المستودع الخير والله العظيم
    راح تشوفين الفرق في بيتك

    مواعين زايده ماتستخدمينها >>>>>>> المستوع الخيـــــــــري


    ملابسك ..وملابس زوجك..وعيالك .. اللي ماتلبسونهم >>>>>>> المستوع الخيـــــــــري


    العاب عيالك اللي ماصارو يلعبون فيهم .. وهم بحاله جيده يعني مهو المكسر ,,المكسر ارميه والزين >>>>>>> المستوع الخيـــــــــري

    سوي جرد للبيت بعد كل كم شهر وشوفي بعدين حال بيتك كيف يصير..

    اول كان بيتي مليااااان اعراض على غير سنع ..

    بس بعد عمليات الجرد :angry: ارتحت الحمد لله

    الله يوفقك ان شاء الله ويعينك ويعيننا اجمعين ويكتبلنا الأجر يارب

















  5. يالغالية...
    لما فاطمة بنت الرسول صلى الله عليه وسلم اشتكت من شغل البيت المرهق لها...وطلبت خادم منه....
    أخبرها أنها لما تأوي إلى فراشها تريد النوم أن تقول سبحان الله (33) مرة..والحمدلله (33) مرة..والله أكبر(34) مرة....فهذا راح يكون لها خير من الخادم...
    وإنت لما تسوينه لازم يكون قلبك متيقن إنه 100% راح ربي يغنيك بنفسك عن الخادمة...
    وأذكر مرة قريت في مقاله لوحده ( والله ما اذكر بأي منتدى ولا أذكر اسم العضوه)...
    إنها لما داومت على هذا الذكر صارت تلقى في نفسها قوة عجيبة وتحمل وصارت تشتغل في بيتها بنفسها وما احتاجت لأي مساعدة من غيرها...وكفاها الله ...
    يالله همتك....
    لكن لا تقولين بأجرب...و أشوف.!!!!! لا ..
    لأن هذا من عند الرسول صلى الله عليه وسلم الذي (( ما ينطق عن الهوى إن هو إلا وحي يوحى))....ولو قلتيها وفي نفسك نية تجربة ماراح تنفع معك....لأنك ماتختبرين الله ( أستغفر الله....تبارك الله وتعالى كما يليق بجلاله وعظمته)...
    والله يارب يغنيك ...ويبارك لك في نفسيتك وقوتك بحيث تسوين كل شغل بيتك ...يارب....آآآآآآآآآآآآآآآآآآمين...
    ولاتنسيني من دعائك...

تابعي تجارب أخرى من هذا القسم.