الاحتفال بالمولد النبوي : هل هو سنة أم بدعة؟؟ خطبة الجمعة

الله يجزاك خير على الكلام الواضح والنصيحة الثمينه واللى الغبي والجاهل يتعلم منها ويفهمها


الأخت focus

(لكن انا بصراحة استغرب لما يكون احتفال باليوم الوطني ومرور كم سنة على تولي خادم الحرمين الشريفين مقاليد الحكم واستغرب كمان احتفالات الزواج اللي فيها طرب وغنى ورقص حتى ان قاعات الزواج صارت مثل الملاهي الليلية واستغرب كمان احتفالات الانتخابات ووووو ............ الخ

هالامور ليه ما نستنكرها وليه نقعد ننتظر كل سنة يجي وقت الاحتفال بالمولد النبوي ونكرر نفس المقالات ونفس الاسلوب ونفس الاستنكار ؟؟؟؟؟؟؟؟

وش هو الأولى في نظرك يا شيخ ؟؟

ليه ما نكتب ونستنكر الاحتفالات اللي تصير في القصور واحنا نعرف انها تصير زي ما نعرف عن احتفالات المولد النبوي

وين المنكر بالضبط !!!! )

اختى اول شيء الكل ينكر هذى الأشياء وبعدين الزواجات والملاهي وكل هذى الأشياء معروف حكمها ومافيها تلبيس وكل المشايخ انكروها يعني لا تقولين بغير علم

وبعدين بدعة المولد هذى أمر في الدين ولازم يكون عندنا غيره أكبر عليها
ومو معقوله يعني نترك النصيحه في البدعة علشان فيه معاصي ثانيه انتى ماشفتي النصيحه الخاصه فيها
وبصراحة انا استغرب ان كنتى قريتي كل الكلام والاحاديث اللى مكتوبه والى الآن تسألين ( وين المنكر بالضبط) ؟؟؟؟؟؟؟؟؟؟؟؟؟؟؟؟

أما الأخ وردي ولا الاخت مدري والله

لكن اتحدى أي أحد يجي ويقولي ان اللى يحتفلون بالمولد ماعندهم شركيات وامور متجاوز فيها في ليلة المولد على قولتهم
سبحان الله
يعني ما تتذكر الرسول الا في المولد
يعني ما تتبعه ولا تتقيد فيه ولا تذكر سيرته الا في المولد ولازم يكون عندك كم قصيده تمدح فيها
وش المنطق هذا







بصراحه الموضوع راااااااااااااائع واتمنى ان اي احد لا يتبع هواه على الاقل يفكر في اللى مكتوب ويتمعن فيه والله راح يهديه بإذن الله

بداية اشكر جميع من شارك في الموضوع او قرأه

ثم ان ماذكرته الأخت focus ليس بصحيح ، فالمتتبع لخطب المشائخ يعرف انهم يتابعون الاحداث ويتكلمون في سائر المنكرات

ثم ان المشكلة في بدعة المولد ، انها متعلقة بالدين ، وجميع ما يحدث فيها من بدع اخرى تفعل باسم الدين ، ويتقرب بذلك الى الله ، عكس الاحتفالات الاخرى .

واخيرا الحق واضح وبين ، ولسنا مسؤولين عن هداية عباد ..علينا ان نوضح الحق ، فمن أبصر فلنفسه ومن عمي فعليها الله يقول ( وقل الحق من ربكم ، من شاء فليؤمن ومن شاء فليكفر )

اختي شقية مرة .. اسال الله لك التوفيق والسداد ومشكورة على الرد

ولي طلب خاص ، قد يشاركني فيه الاخوات ، ان تغيري اسمك ..من شقية مرة ..الى سعيدة مرة .. أملا ان تكوني من السعداء الذين قال الله تعالى فيهم ( وَأَمَّا الَّذِينَ سُعِدُواْ فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ إِلاَّ مَا شَاء رَبُّكَ عَطَاء غَيْرَ مَجْذُوذٍ }هود108

ولا تكوني من الاشقياء الذين قال الله فيهم ( {فَأَمَّا الَّذِينَ شَقُواْ فَفِي النَّارِ لَهُمْ فِيهَا زَفِيرٌ وَشَهِيقٌ }هود106