طريق الامل ( خبرات متبادلة حول مراكز العقم فى مصر ) الجزء السادس

مها ويا شينو ازيكم يا بنات

اسمحولي
بعد المداخلات الكتير بتاعتي دي
احكيلكو الحكاية
اولا
انا اتجوزت من 3 سنين
في اول الجواز كنت رافضة التفكير في الحمل
عشان اسيب الموضوع ييجي طبيعي
مكنتش حاطة الموضوع في دماغي
بعد 4 شهور
بدات افكر
وبسبب ان جوزي كان بيشتغل في محافظة بعيدة
كان دايما السبب اللي بنتوقعه
هو عدم توافق المواعيد المناسبة
لكن اتضح بعد كدة ان مش دي المشكلة
لان جوزي عمل ندب وقعد معايا
واستقر
المهم
باختصار كدة
جوزي كان عنده نقص في العدد والحركة
بس اتحسن جدا الحمد لله بعد العملية بتاعت الدوالي
العدد بيتراوح من 10 مليون لحد 30 مليون
وانا شايفة النسبة بتاعة الحركة مقبولة
اقل من الطبيعي ب 10 %
مش مرعبة ولا حاجة
عشان كدة
وعشان حجات تانية
كنت بفكر في اللي عندي

انا بقى
الحمد لله
عيلتي كلها من نوعية اللي
عدد الابناء في المتوسط
6 اولاد وبنات
ممكن يقلوا الى 3
وممكن يزيدو لحد
8
بس الاغلب 6
فيعني
كنت بقول لنفسي قبل ما اتجوز
ان شاء الله
ابقى اجيب 4
وسط
واقدر اربيهم صح


طبعا الحمد لله
لسة مجاش حد


بس ييجو وانا هربيهم ان شاء الله
ده انا ناويالهم على نية

ازيك يا ام انس
ربنا يكرمك على السؤال

اكملكوا الحكاية
انا بقى
عملت اول الجواز
سونار في فترة التبويض
عشان اشوف حجم البويضة
فكانت ساعتها مش بتكبر عن 16
واعتبروني عندي ضعف تبويض
طيب
بعد 3 سنين شغل
اتضح ان الكلوميد
لما باخد منه حباية واحدة بس
بعد الدورة
بيتعدل التبويض تماما
وبتوصل البويضة(واحيانا ال3 بويضات)الى 20 او 22 حجم

وبالتالي
اخر دكتور قاللي التبويض والمبيض كويسين الحمد لله ومفيش مشكلة فيهم
طيب
عندي بقى مشكلة خنيقة
وهي
افرازات الصدر
طبعا
يبقى هرمون اللبن عالي
وجايز جدا يكون هو ده اللي بيخلي التبويض عندي يتاثر
طيب
لو الهرمون ده عالي
يبقى لازم نتطمن على الغدة الدرقية
عملت تحليل الغدة
طلع سليم
طب امال ايه
ليه الهرمون عالي


صراحة

مكدبش عليكم
انا من النوع الغير صبور
لدرجة ان لو حاسة بحكة مثلا او حاجة بتحرقني بحكها
وده طبعا بيزيد من الافرازات دي
ويساعد على استمرارها
لكن الصح ابطل ده



عموما انا جربت ابطل تصفية المية اللي بتنزل دي

فحصل احتقان شديد
وكان المية اتخزنت جوا الصدر
المهم
البردقوش كان رائع في حل المشكلة
لدرجة ان البردقوش مفعولة اروع من الادوية الغالية بتات تقليل الافرازات دي
زي الدوبرجين وغيره
بس مشكلة البردقوش انو عايز استمرار

وانا اكتر واحدة في الدنيا تهمل في نفسها
محتاجة حد يركز معايا
وجوزي ده مكبر دماغه على الاخر
ولا كان الموضوع تبعه
مع انه الولد الوحيد