طريق الامل ( خبرات متبادلة حول مراكز العقم فى مصر ) الجزء السادس

شيمولاتا ... حبيبتى .... تعرفى انا كنت فين دلوقت كنت بتصفح الملف الأول من التجمع ده وعرفت ان اللى فتحته مميزات وان التجمع كان وشه حلو عليها علشان حملت على طول بعدها .... حبيبتى ... انا بنصحك المرة دى فى ال6 شهور ديه انك تعملى زى ماعملت مميزات لو فاكره ... هى كانت بتقيم الساعة الاخيرة من الليل نصفها صلاة ونصفها استغفار ... وتقربت كثيرا من ربنا ... بنصحك وبنصح نفسى كمان الالتجاء الى الله اولا ثم الاخذ بالاسباب وان شاء الله احساسى بيقولى ده حيكون آخر عهدك مع الجلوكوفاج وان شاء الله تعملى تنشيط وتحملى بعده يارب ونباركلك ياقمر ...

وبحبك فى الله :39:

السلام عليكم ورحمة الله وبركاته

ايه اخباركو وحشتونى جدا وانا شايفة الملف ماشاء الله رجع كله حيوية ونشاط يارب دايما يبقى كده ومايحرمناش من بعض ابدا

انا عاوزة اعترفلكو بحاجة مضيقانى قوى هى مش مضيقانى لاسمح الله كإعتراض على امر الله
بس عشان اول مرة تحصل لى بالشكل ده ومش فاهمة اسبابها

انا الدورة اللى فاتت كانت يوم 24/8 والمفروض كانت تجينى اول او تانى يوم العيد ولغاية دلوقتى ماجاتش

على فكرة انهاردة اليوم 35ولسة ماجاتش ولا حاسة باى اعراض واول مرة تتاخر معايا كده هى يوم مابتتاخر بالكتير بتبقى 32 او 33
مش عارفة بقى ايه ممكن يكون السبب الى ماخرها لغاية دلوقتى

وانتو طبعا فاهمين التاخير واللى بيعمله فينا بس انا رحت امبارح وعملت تحليل حمل فى الدم تحليل عادى مش رقمى
مش عشان بس مستعجلة انى اعرف لا كمان عشان انتو عارفين انى باخد دوا للغدة الدرقية والدكتور منبهنى وماكد عليا لو عرفت انى حامل لازم اروح له على طول عشان كده استعجلت وعملت التحليل والحمد لله كالعادة طلع سلبى
انا كنت بس رايحة اعمله عشان ما اكونش قلقانة مش اكتر مع انى عارفة ان الحمل صعب يحصل دلوقتى بسبب الاكياس والغدة وانسداد الانابيب بس الشيطان الله يهده هو السبب ومش عارفة مع انى رايحة وجوايا عادى مش مستنية اسمع خبر لا حلو ولا وحش بس اعرف هى متاخرة ليه

بس مش عارفة ايه اللى حصل لى بعد ماسمعت مش حمل لقيتنى غصب عنى عنيا بتدمع وبكيت اللهم لا اعتراض على امر الله
بس مش عارفة ليه بكيت الصراحة يمكن كان نفسى انه يحصل حاجة ماتخلنيش ادخل غرفة العمليات الشهر الجاى واعمل المنظار

انا اللى مضايقنى انى بكيت بعد ماسمعت نتيجة التحليل مع انى ليا فترة ضاغطة على نفسى عشان استقبل اى خبر برضا وبهدوء
بس المرة دى ضعفت بجد وحسيت ان الامل ده بعيد قوى مش راضى يقرب ولو حتى خطوة واحدة

احبك الذي احببتني فيه بارك الله فيكم اخواتي
ايوه كده الهمة يا مصريات
حبيت اصحح معلومة
المركز التخصصي مش في سموحة في رشدي
شارع سوريا مستشفي اليكس التخصصي
الدكتور احمد شمس استاذ كبير وهو استاذ الكاترة المذكورين فوق
كان بيدرس لهم في الجامعة
اي خدمة انا مستعدة علي الخاص
علي فكره انا تابعت معاهم كلهم

بوبا ... مالك ياحبيبتى .... ماتعمليش فى نفسك كده ... احب اقولك احنا بشر ولحم ودم قبل اى حاجة .... يعنى تتخيلى فيه حد أكثر ايمان من سيدنا محمد عليه افضل الصلاة والسلام ... طبعا لأ ... ومع ذلك بكى لما توفى ابنه ابراهيم ... وده مش معناه انه معترض على حكم ربنا لكن دى مشاعر بشرية عادية ... المهم ان قلبك يكون راضى ومطمئن .... ان شاء الله ربنا يفك كربك ويزيل الغمة اللى انت فيها ويقر عينك بالذرية الصالحة ... المهم شوفى بتابعى مع مين من الدكاترة وروحيله علشان الدورة اللى مش عايزة تنزل دى

ام حيدور .. ازيك .. انا برده من اسكندرية ... حاولت ابعتلك رسالة على الخاص ظهرتلى رسالة تقول انك مانعة الرسائل على الخاص