المثل أعلاه هل إنتي معه أم ضده وسواء كنتي مع أو ضد قولي لي ليه ؟؟
معك المثل هذا واقع نعيشه وموجود
هل تئيدون تعليم البنت الطبخ من بيت أهلها وتخريجها طباخه وربة بيت سنعه ...؟؟
أنا مع ان البنت تتعلم تطبخ لنفسها اهم شيء
أم تئيدون ان البنت تكون في بيت اهلها مدلعه ولا تدبر شي وتتزوج وهي بهذي الحال ..؟؟
انا افضل البنت تكون مدلعه عند اهلها وفي بيت زوجها لكن مو ماتدبر شيء ابد لا تعرف على الاقل الاساسيات
لو كنتي أم وبتزوجين ولدك ايهم بتختارين ليه السنعه أو الرفله ..؟؟ وبأمانه مين بتختارين السنعه العاديه أو القليلة الجمال أو الرفله الجميله ..؟؟
لا بختار السنعة العادية الطيبة الدينه اللي تخاف ربها قبل زوجها لان الحرمة السنعة مو بس في الاكل والبيت بل في الحياة كلها تقدر تدير المنزل بكامله في ظل غياب زوجها او انشغاله اما الرفله بتكون اتكاليه على اهلها واهله ويمكن على عيالها
تتوقعون الرجال يفضلون أي وحده من الفريقين ..؟؟
الرجال اتوقع مايفضلون احد هم متقلبين بس الاحظ اللي تكون سنعه وقايمه بكل واجباتها ومو مقصرة لازم تتنكد باي شيء اما الرفلات دايم حظوظهم حلوة ماشاء الله عليهم ازواجهم لاتهش ولاتنش لانه رخمه مثلها
ياليت كل وحده تذكر تجربتها الشخصيه سواء هي أو أحد اقاربها وا قصه سمعت عنها بهالموضوع
انا عندي قصص واجد بس اجدد شيء عريس جديد ماجاب لزوجته بوتغاز المطبخ لان مايبي يتعبها ابدا في الطبخ طبعا هذا بتشجيع من الزوج على الرفاله والا هي يمكن تكون كويسه حتى امه زعلت منه وقالت طيب كيف تصلحون قهوة وشاي قال قهوة مانبيها والشاي نصلحه بالغلاية ههههههههههههه
ملخص الكلام المرأة الرفله في بيت اهلها هو بتشجيع من اهلها على الكسل واذا تزوجت ربي يرزقها بزوج مثلها
وعلى قولة المثل قدر ولقت غطاها
والله موضوعك حلو خلاني اطلع المستخبي
نقآش هآدف ..::..الجزء الأول ..::.. المرأهـ الخامله والزواج ..!!
متابعة النقاش، صفحة 6