طريق الامل ( خبرات متبادلة حول مراكز العقم فى مصر ) الجزء السادس

اوكسي: ربنا يخليكي. انا حامل في 1 , امي كان نفسها في توأم لان ليا اخت توأم بس الحمد لله.

ربنا يارب يرزقك بالشغل اللى انتى عايزاه ويشفيكى من التكيس ..بس لو فى ذياده فى الوزن ياريت نخس علشان ده مفيد للعلاج . وبعدين اعمليلك ورد استغفار معتبر يوماتى علشان ربنا يوسع رزقك وكمان يقرب البعيد يارب ...

طيب هو انتى العمليه اللى فاتت كنتى بتشتكى من حاجة ولا كنت وقتها كويسه ... معلش هو سؤال رخم بس انتى عارفة الهسهس اللى بيجى للى بيعملوا العملية دى ... ياريت تطمنينى .

مها: انا عملت التحليل في اليوم 22
بوبا: ربنا يوفقك
شيمو: عادي ان جوزك يدفعلك ما دام هوا معاه لكن لو مش معاه ساعتها ادفعي انتي.

لاحول ولا قوة الا بالله ... طيب معلش ياشيمو هو جوزك ليه يقول كل حاجة لمامته ... بعدين ماهو واجب عليه يصرف عليكى سواء اكل او لبس او علاج ... انا بالنسبة لى بقاسم جوزى فى تكاليف العملية علشان احنا الاتنين بنشتغل وناخد نفس المرتب وده حاجة من عندى لكن الصراحة باقى مصاريفى هو اللى بيدفعها وانا بحوش فلوسى ومش بسألنى عن حاجة ... يابنتى قوامة الراجل معناها هو اللى يصرف على مراته فى كل شىء تحتاجه ... افرض لاقدر الله احتاجتى عملية او حاجة بعيد عن موضوع الخلفة !!!... لازم يدفع مصاريفك ولازم تفهمى انه مش بيتفضل عليكى بده ... جوزك من ساعة ماتجوزتيه بقى مكان والدك ... انتى كنت بتحرجى منه لما يصرف عليكى ؟؟!! ... اما والدته فمتخلهوش يقلها حاجة تانى وهى ملهاش حاجة عندك ولازم تفهمى حقوقك كويس

ولايهمك يا ام اياد .... الالزهمير ده عندنا كلنا ...ربنا يارب يسمع منك ويرضيك ويراضيك بالذرية الصالحة قريبا وبدون عمليات