الحقوني اخاف انسى إسمي

انا معلمتي دااايم تقول لنا كلو 7 زبيبات عالريق كل يوم تقول انها تقوي الذاكره

صادقة الاخت مجادلة

انا قرأت ان الزبيب يقوي الذاكرة

the big heart

والله يالغالية آنه نفسج إذا مو أكثر منج ، والله العظيم أحياناً اكون قاعده اسولف وفجأة تشوفيني بنص السالفة انسى !!! والله العظيم تخيلي الاحراج ؟! أتمنى إني أسكت لأن احس ان كلام صار مو موزون :)
بس والله من الانشغالات يعني وقت اللي اسولف مثلا اكون اصلا قاعده افكر بسالفة او شاغلة بالي سالفة ..! لدرجة ان حتى وآنه نايمة افكر واقوم وآنه تعبانه لأن بالي مارتاح

1. تعوذي من ابليس .. وادعي من كل قلبج ان ربج يقوي ذاكرتج ويصفي ذهنج ولا تيئسين ..
2. وحاولي انج تكتبين الاشيا اللي شاغلتج حتى لو تشوفينها تافهه ..
3. واذا كانت اعمال لازم اتسوينها حطيها على نقاط .. وحطي في نهاية الصفحة تقدير لج على اللي سويتيه من اعمال .. هذي انسب طريقه
4. حطي نوته صغيره في جنطتج عشان اذا طرى شي عليج تسجلينه فيها ..
5. اغراضج خلي لها مكان معين لا تغيرينه كللللش .. ولو غيرتيه ، حطي الاوراق اللي تلصق بمكان بارز المكان اللي فيه اغراضج
6. لاتشغلين عقلج بأكثر من شي ومثل ماقلت لج دوني اللي تبينه ، واذا بتسولفين حدي بشكل سريع شنو اللي بتسولفين عنه وقت اللي تكون فيه رفيجتج اتسولف :) ، وحاولي تركزييييييييييييين .. مشكلتنا عدم التركيز ومانبي ننسى شلون ؟!

هذيلة الحلول اللي قاعدة اتبعها ، واسأل الله ان يعينا واياج ويقوي ذاكرتنا يااااارب :)

الظاهره منتشره بين الناس وانا اولهم


تعوذي من ابليس دائما
رتبي وقتك
حطي المنبه على الشيء اللي تبين تتذكريه مثل موعد وخلافه
ضعي اشياء تذكرك بالشيء المطلوب مثلا تذكر النقود ضعي بوك امام عينك وهكذا



الله لا يلهينا الا في طاعته يارب




الله يوفقك يالغاليه ويساعدك