طريق الامل ( خبرات متبادلة حول مراكز العقم فى مصر ) الجزء السادس

رمال يا حبيبتى انا كلمت الدكتور بس مش مباشرة علشان مش فاضى ... الممرضة مافدنيش بحاجة
... يظهر فهم انى عندى برد فقالتلى بيقولك خدى حاجات سخنة بس ... على كل حال حجرب طريقتك ولو ان العطس الجامد ده وراثة عندنا واختى حملت وولدت اربع مرات على الحال ده .... بس نعمل ايه الواحد لازم يحاسب وبعدين الباقى على ربنا .... ربنا يخليلك انوس وتخاويه يارب ...:26:

مسلمة .... الف حمد لله على سلامتك طمنينا عليكى ولدتى ولا لسة ربنا يارب يكرمك وتفرحى بالنونو واحنا بعدك يارب:heart:

اشتقت اليك ... وحشتينى اوى يا عسل ... مش عارفة اكلمك خالص يا اما بسبب الشغل عندى او بسبب عندك ..

ام اياد اخبارك ايه غطستى فجأة ليه .... ياريت يكون المانع خير ... يارب تعملى تحاليلك وتكون كويسة وتحملى بإذن الله قريب من غير عمليات

زينب ... انت كمان مشوفتكيش فى الملف امبارح .... اخبارك واخبار جوزك ايه

مهاميهو مش شايفاكى يعنى مجدتيش ليه تصبحى النهارده ولا نموسيتك كحلى ...

سارة .... ايه يابنتى استهدى بالله ... انا بقول الكلام ده لنفسى قبل ما اقوله ليكى ... قولى الدعاء ده وهو يبعد عنك القلق بإذن الله ...

بسم الله على نفسى ومالى ودينى ، اللهم رضنى بقضائك وبارك لى فيما قدر لى حتى لا أحب تعجيل ما أخرت ، ولا تأخير ما عجلت .

والله يا بنتى مافيش مفر من المكتوب ... القلق مش حيغير حاجة غير انه يتلف الدماغ وخلاص ... كلها بكرة ... ياريت تحاولى تشغلى نفسك وماتفكريش فى التحليل الا لما يجى وقته ... خلاص اتفقنا

ميكو اخبارك واخبار النونو ايه يارب تكونوا فى صحة وخير ...

نفيييييين .... انتى فين ياترى غطسانة فين دلوقت ياريت يكون السبب انك بتقرى اللى فاتك من الملف بس لو كان ده السبب قولى صباح الخير علشان نطمن ... ولو السبب جهاز الكمبيوتر بتاعك يبقى كلمى حد من البنات اللى معاكى نمرتهم علشان نطمن عليكى .

ام انس ... عاملة ايه رحتى لدكتور عادل وبدأتى فى العلاج ولا لسة عاوزيين نطمن ..

المشتاقة لمكة ... اخبارك ايه دلوقت يارب تكونى بخير واحسن حال

المشتاقة للأمومة .... بقالك مدة مختفية يارب يكون المانع خير ...

شيمولاتا ... مشفتكيش امبارح فى الملف رحتى فين يا عسل ..

بنات بحبكم كلكم ... بجد نفسى نغير عنوان الملف ونخليه ملف حوامل طريق الامل ....

كوكرتى....
هل هلالك شهر مبارك....عاملة إيه ...وازي كيمو.....ميرسى يا قلبى على كلامك....وربنا يطمن قلبك دايما..

أوكسى...
أنتى كمان وحشتينى....إن شاء الله نظبط الأمور و نرجع نتكلم تانى بأمر الله.....و يا رب تعدي اليام بسرعة و نسمع منك كل خير..

سارة...
كان نفسى اقولك متقلقيش....و شيلى من دماغك....لكن فعلا مش قادرة...لأن ده واقع...ولأنك سعيتى....و منتظرة نتيجة السعى ده....
لكن هاقولك فكري فى رحمة ربنا.....و إنه احن من إنه يحرمنا.....و إن كل ما يكتبه خير...أنا لما بافكر كده بارتاح كتير....
وكمان الحمد لله إن فات الكتير و خلاص مش متبقى إلا ساعات....ربنا يعديها على خير....وإن شاء الله نفرح معاكى كلنا و مع طمطم كمان....

توتا يا قمر....
ربنا يخليكى ليا يا حبيبتى و يفرح قلبك و يسمعنى عنك دايما كل خير.....
طبعا ربنا يجازيكى كل خير على كلامك....و حلوة طريقتك للتكيف مع مشاكلك....لكنها للأسف متنفعش معايا نهائيا....لكن أتمنى غنها تكون شغالة كويس معاكى و الأهم من ده إن ربنا يبعد عنك اي الم او حزن....

بصى باختصار...و الله أنا خلاص مفيش حاجة جديدة بتضايقنى...لأنى زي ما قلتلك حددت و عرفت مشاكلى فين و باحاول أحلها....و كمان أنا مش من النوع اللى بيقعد و يحط إيده على خده و يقعد يشحن فى روحه و يفتكر كل حاجة مضايقاه...بالعكس...انا باكره النكد و مش باحب أطول فيه...و احب لما أضحك أضحك من قلبى....لكن الحقيقة..إن مازالت مشاعر الضيق بتاعة الأيام اللى فاتت موجودة عندي....و أنا باحاول أتخطاها...و طبيعى إنى لما اتكلم معاكم إنى أكون واضحة معاكم لأنكم أصدقائى...و زي ما بتفضفضوا معايا....من حقكم إنى أكون صريحة معاكم....بصى انا كنت زمان كتومة جدا فى مشاعري.....مش كنت باخجل منها...لكن مكنتش باحب اتكلم عنها....فى معظم الأحيان كنت باقدر أتخطى اي أزمة لوحدي...لكن فعلا مؤخرا لقيت إن اصدقائى من حقهم يشاركونى زي ما باشاركهم.....و عموما اقري كلامى الجاي لرمال....وانتى هتطمنى عليا لوحدك...