طريق الامل ( خبرات متبادلة حول مراكز العقم فى مصر ) الجزء السادس

ربنا معاكى يامشمشة ويسهلك الامور و يارب تتاجل المباراة لاجل عيونك ياقمر

اوكسى ربنا يكملك على خير بوبا وشوشو وزوزو وام مريم وام انس وام اياد ومها وشيمو ربنا يكرمكم عن \قريب يارب
وربنا يشفيكى يانيفوو وترجعلنا بالف سلامة

توتا إسألي براحتك يا بنتي
بصي يا قمر أنا في بداية التنشيط كنت باخد تقريبا تلات حقن تحت الجلد وبعد كده زادو كمان واحده
ده غير حقن التجلط يعني في اليوم كانوا تقريبا خمس أو ست حقن
وكنت باخد اللي تحت الجلد في بطني وطبعا مقلكيش على جمال المنظر زرقان وورم من اللي قلبك يحبه
أنا بصراحه مش فاكره أسامي الحقن اللي كنت باخدها لأني بحفظ أسامي الأدويه الطبيه بصعوبه
أما حكاية إنك كل الحقن تحت الجلد عادي جدا أنا أول وتاني عمليه كنت باخد حقن تحت الجلد وعضل فده مش مشكله
والجرعه والكميه ده بتختلف من حاله لحاله حسب تحاليلك وإستجابتك للعلاج
المهم متقلقيش وإجمدي كده هما حقنتين ولا أكتر كله يهون علشان عيون النونو
ولو المكان اللي بتاخديهم فيه تعبك قوي إنت ممكن تاخدي الحقن في الرجل وإسأليهم برده إحتياطي علشان يقولولك على المكان بالظبط
ومتزعليش من الدكتور هاني هو أحيانا بيبقى هادي قوي كده وأحيانا تانيه ياخد ويدي معاكي أكتر من الدكتور حسام
بس إذا كنت هترتاحي في مقابلتك للدكتور حسام أكتر إستنيه يا ستي ولا يهمك المهم إنك تبقي مبسوطه ومرتاحه
ومش عايزاكي تقولي بتقل في الأسئله والكلام ده إسألي براحتك ماشي أحسن والله آجي أعضك

المشتاقه حمدالله على سلامتك أيوه كده تعالي طمنينا
أنا فرحت قوي بكلامك الحمد لله ماشاء الله تحاليلك طلعت كويسه
وإمبسط قوي إنك متابعه مع الدكتور عادل كمان
بإذن الله يا مشتاقه ربنا هيكرمك المره ده أنا متفائله قوي وأنا طبعا هدعيلك وأنا بولد إنت في المقدمه وربنا يسهل يارب
وإن شاء الله موضوع التأشيرات ده يتحل على خير
بس رجاءا خليكي معانا ومتغبيش أحسن إحنا بنقلق عليكي قوي
وطمنينيا عليكي أول بأول

أوشي متفكريش كتير في السفر إسألي الدكتور بتاعك الأول على كل اللي قلتهولك وخدي رأيه
وأنا رأيي الشخصي إنك تسافري بعد إكتمال الشهر الثالث لأن تكوين اعضاء الجنين في الوقت ده بيكون إكتمل تقريبا
وخدي الموقع ده إدخلي عليه وإقري كتير هيفيدك قوي
http://arabia.babycenter.com/?intcmp=Nav_Global_Footer_Arabia&pn=BC%20Homepage
ولو على العيد يا جميله لو ينفع جوزك ياخد أجازة العيد اليومين ولا التلاته دول وينزل يقضيهم في مصر يكون كويس
بس أهم حاجه تفكري فيه سلامه النونوهات يا قمر وإن شاء الله بدل العيد هييجي كتير ويكوني معاكي كمان بإذن الله
ربنا يوفقك كده ويهديكي للخير إن شاء الله