طريق الامل ( خبرات متبادلة حول مراكز العقم فى مصر ) الجزء السادس

يسمع منك ربنا يا اوشى اكيد انتى حاسة بيا علشان مريتى بالفترة دى .... وبالنسبة لحوار سفرك ان متابعاة من الاول ... انا شايفة تعملى استخارة وبعدين رأى الطبيب بتاعك قبل اى طبيب تانى ... علشان هو ده اللى عارف حالتك ...
وربنا يارب يوصلك توئمك بالسلامة ويكونوا ولد وبنت علشان مايبقاش نفسك فى حاجة .... على فكرة بصرة عدد البويضات المسحوبة وكمان تنشيط العضل - عقبال مانبقى بصرة فى نتيجة التحليل يارب

إن شاء الله يا أوكسي هتبقوا بصره وتحملي في توأم كمان
ربنا يا حبيبتي يسعدك ياربي ويعطيكي من كل ما تتمني حتى ترضي يارب

يسمع منك ربنا يا مسلمة .... ويجعلك ساعة ولادة سهلة .... تقريبا انتى حتولدى على ميعاد تحليلى ... يارب منوصة يكون وشها حلو عليا ... فين خالتها نيفين ... ربنا يشفيها و يرجعهلنا بالسلامة علشان تسمى ولاد سارة وطمطم

انت عملتى الحقن فى مستشفى ايه؟
و سوال لو غلس احذفيه عندك كم سنة ؟ لانك بتقولى انه الاستعداد للمنشط بيقل

مش قصدى ذم فى دكتور اسماعيل لا قصدى انه فعلا هدفه الحمل و قليل ما دكتور بيراعى كل حاجة مع تحقيق الهدف بس واضح فعلا انه شاطر و بدليل مش بينشط المبيض زيادة عن اللزوم

ربنا يخليكى يارب يا اوشى كمان هتسالى لى ربنا يبارك لك يا قمر
بس انتى عرفتى دكتور اسماعيل من فين قرات موضوع عنه او تعرى حد راح له لانك انت و فاطمة رحتوا له مع انى ما سمعتش عنه غير منكن و شفته بعد كده على قناة الحياه