طريق الامل ( خبرات متبادلة حول مراكز العقم فى مصر ) الجزء السادس

يا خراشى الف مليون مليون سلامة عليكى يا نيفو .. معلش يا حبيبتى ابتلاء كونى قده هتعملى ايه .. والحمدلله اننا عرفنا سبب الاسهال المزمن اللى كان عندك ده لان واضح انك ما اتعالجتيش منه علشان كده قلت لك انتى لازم تشوفى دكتور كويس مكنتش اعرف انك بتتابعى مع دكتور محترم كده .. على طول قاللك على تحاليل تعمل واشعات مش اللى كان بيعالجك بالبركة ده .. عموما الحمدلله وان شاء الله هتاخدى العلاج وهتبقى زى الفل وتمااااام .. يارب نطمن دايما عليكى يا حبيبتى .. وبلاش اكل سلاطة خالص طالما هى السبب فى المعاناه دى .. ومش عارفه اقول لك تعملى ايه يعنى نظافة انا عارفه ومتأكده انك مفيش بعد كده فى النظافة .. بس استمرى على العلاج وان اشاء الله تحسى بتحسن

ام اياد ... ازيك عاملة ايه ياقمر محدش شافك النهارده ... انا لقيت معلومة كاتبها دكتور جميل القدسى فى موقعة الغذاء الميزان ياريت تبقى تزورى الموقع وتستفيدى انتى وكل البنات بس انتى بالاخص علشان كان نومك ملخبط ..

(( ربما لم يكن هناك أكثر فائدة صحية من النوم في أوقات معينة , وتناول الطعام في أوقات معينة وهي أوقات الصلاة , ولعل الشرح هنا يطول , لأن هذا بحث كتبته في كتاب في أحد كتب الموسوعة وهو التطبيق العملي لقانون الدوران الإهليلجي في أكثر من 600 صفحة , على كل حال الإشارات واضحة في القرآن " وجعلنا نومكم سباتا وجعلنا الليل لباسا وجعلنا النهار معاشا " وقوله تعالى أيضا " هو الذي جعل لكم الليل لتسكنوا فيه والنهار مبصرا إن في ذلك لآيات لقوم يسمعون " لعل أهم ما يفعله ذلك هو تنظيم الساعة البيولوجية الداخلية وهذا يؤدي إلى تحقيق الميزان , فالميزان هي قوانين تسير عليها كل المخلوقات , ومن خرقها وتجاوزها فقد تجاوز الميزان , ومن هنا كان قول الله تعالى " والسماء رفعها ووضع الميزان ألا تطغوا في الميزان " من هذا الميزان قانون الدوران الإهليلجي والساعة البيولوجية التي تجعل إفرازات الهرمونات والمواد في جسمك مرتبط بساعات محددة في النهار , ومن ثم فاضطراب الدورة الشهرية عند النساء وكذلك الاضطرابات الهرمونية المختلفة وحالات العقم هي كلها من خلل قانون الدوارن الإهليليجي وخلل الميزان في الجسم ولذلك كان تناول الطعام في أوقات محددة يساهم في ضبط ذلك بشكل كبير
من النقاط الأخرى التي تساهم في ضبط ذلك هي النوم في أوقات معينة , فأجسام البشر مبرمجة على النوم بعد صلاة العشاء , والاستيقاظ قبل الفجر من أجل قيام الليل والاستمرار في الصحو حتى صلاة الظهر لكي يأخذ الإنسان قيلولة وهذا من قوله تعالى " وَمِنْ آيَاتِهِ مَنَامُكُم بِاللَّيْلِ وَالنَّهَارِ وَابْتِغَاؤُكُم مِّن فَضْلِهِ إِنَّ فِي ذَلِكَ لَآيَاتٍ لِّقَوْمٍ يَسْمَعُونَ " ( 23) الروم وقد وجدنا في دراستنا أن ذلك يسهم في ضبط الساعة البيولوجية الداخلية والغدة الصنوبرية وينظم إفراز الميلاتونين والذي يعتبر من أهم وظائفه منع الشيخوخة والمحافظة على شباب الجسم , ولعل هذا ما نراه في سكان القرى والريف حيث يستيقظون من الفجر الباكر ويطبقون عددا كبيرا من هذه القواعد بالفطرة مما يجعل المسنين منهم يبدون في شكل الشباب وقوته بإذن الله تعالى وبتطبيقهم لقانون الله تعالى والميزان
أخوكم
د جميل القدسي))

منه انتى مش قريتى كلامى ؟؟ انا سألتك اسئلة ياترى شوفتيها ولا ايه

بصى يا منه علشان نرتب خطواتنا كده
انتى نازلة مصر قريب زى ما قلتى .. كويس يبقى السفرية دى هتكون لفحوصات لزوجك وليكى انتى كمان لانك عندك مشكلة ضعف تبويض لازم نعرف سببها ايه ونعالجها علشان لما تتعمل العملية نبقى ضامنين ان مفيش مشاكل مستخبيه تبوظ لنا الدنيا ..
وواضح ان زوجك اتعالج غلط وواضح كمان ان طبيب زوجك مش كفء بدليل ان بعد العمليه ما فشلت قاللك ان السبب فى الحيوانات المنويه انها ضعيفه .. طيب هو ليه ما اكتشفش المشكله دى قبل اجراء العمليه .. واكيد هو لو كويس كان عرف من التحاليل انه محتاج علاج .. ليه ما ابتداش علاج معاه من الاول ؟؟ ليه عمل العمليه وفى احتمال انها تفشل ؟؟؟

ونصيحتى ليكى يا منه بجد انك تبدأى من أول وجديد وتنسى الفحوصات اللى انتى عملتيها عندك ..
اولا تبدأى بنفسك وتشوفى طبيب كويس تكشفى عنده وتشوفى رأية ايه لو فى مشكله عندك حليها وفى نفس الوقت تكونى بتتابعى مع دكتور ذكورة لزوجك يا قلبى
وانا ارشح لك دكتور عادل فاروق البيجاوى هو طبيب امراض نسا روحى اكشفى عنده على نفسك واطمئنى ان مفيش مشاكل تخصك وكمان اتكلمى معاه فى مسألة زوجك وشوفى هيوجهك ازاى وهو طبيب شاطر جدا ربنا يكرمه وانا وبنات كتير جربناه قبل كده .. ودى هتكون الخطوة الصح الاولى اللى هتقومى بيها قبل اى عمليات
لازم تطمنى على نفسك وعلى زوجك عند طبيب ممتاز وبعدين تشوفى حكاية العملية
بس بجد ما تستعجليش على العملية الا لما تتعالجوا انتوا الاتنين ولما تعمليها كمان اعمليها هنا لان عندنا مراكز كتير ممتازة وعلى مستوى عالى من الكفاءة ولو عوزتى اى حاجه كلنا هنا .. وربنا يكرمك يا منون